Xabaringiz bor, joriy yilining 5-mart kuni Prezidentimiz raisligida oʻtkazilgan kengaytirilgan yigʻilishda korrupsiyaga qarshi kurashish sohasidagi ishlarning sarhisobi, erishilgan natijalar va kelgusida amalga oshirilishi lozim boʻlgan vazifalar batafsil muhokama qilindi.
Davlatimiz rahbari korrupsiyaga qarshi kurashishda uning kelib chiqish sabablarini chuqur oʻrganish, oldini olish va bu boradagi profilaktika ishlarini tizimli bajarishga alohida toʻxtalib oʻtdi.
Jumladan, “Mikrokreditbank” ATB Surxondaryo viloyat hududiy boshqarmasida ham yuqoridagi yig‘ilish muhokamasi hamda korrupsiyaga qarshi murosasizlik muhitini shakllantirish va Bankning barcha tarkibiy bo‘linmalarida korrupsiya holatlarini oldindan aniqlashga qaratilgan seminar bo‘lib o‘tdi.
Mazkur tadbirda “Mikrokreditbank” ATB mutasaddi rahbarlari va viloyat ichki ishlar boshqarmasi xodimlari ishtirok etishdi.
Seminarda tizimda korrupsiyaning oldini olishga qaratilgan barcha zaruriy choralarni ko‘rish, ularni keltirib chiqarishi mumkin bo‘lgan sabab va shart-sharoitlarni barvaqt aniqlash hamda bartaraf etish bo‘yicha so‘z bordi. Shuningdek, O‘zbekiston Respublikasining “Manfaatlar to‘qnashuvi to‘g‘risida”gi qonuni yuzasidan ham batafsil ma’lumotlar berib o‘tildi.
Seminar davomida bank xodimlari o‘zlarini qiziqtirgan savollarga javob olishdi.
Mikrokreditbankda korrupsiyaning oldini olish choralarini ko‘rish, uni keltirib chiqarishi mumkin bo‘lgan sabab va shart-sharoitlarni barvaqt aniqlash hamda bartaraf etish, korrupsiyaga qarshi murosasiz muhitni shakllantirish borasidagi ishlar kelgusida ham izchillik bilan davom ettiriladi.
Bank Axborot xizmati
Yana ko‘ring
E’lon!
Diqqat! MKBANK tizimida texnik ishlar olib borilmoqda!
Korrupsiyasiz bank: MKBANKda navbatdagi o‘quv seminari tashkil etildi
Seminar davomida xodimlar o‘zlarini qiziqtirgan savollarga javob olish bilan birga, bu illatga birgalikda kurashish lozimligini bildirishdi.
