Bugun mazkur xalqaro sertifikatni topshirish uchun bank Bosh ofisida tadbir tashkil etildi. Unda “CERT INTERNATIONAL” tashkiloti ISO bo‘yicha mas’ul auditori Riad Ibragimov hamda Korrupsiyaga qarshi kurashish agentligi mas’ul xodimi Sardor Mamanovlar ham ishtirok etdi.
Ma’lumki, Oʻzbekiston Respublikasi Prezidentining 2021-yil 6-iyuldagi “Korrupsiyaga qarshi kurashish faoliyatini samarali tashkil etishga doir qoʻshimcha chora-tadbirlar toʻgʻrisida”gi qaroriga asosan Mikrokreditbank tizimida ham Korrupsiyaga qarshi nazorat departamenti tashkil etilgan.
Mazkur departament tomonidan bank tizimida korrupsiyaning oldini olishga qaratilgan barcha zaruriy choralarni koʻrishga qaratilgan keng koʻlamli ishlar amalga oshirilmoqda.
Jumladan, korrupsiyaga qarshi ichki nazorat tuzilmalari tashkil etilib, ularning vakolat va huquqlari, shuningdek, bankning boshqa boʻlinmalari bilan birgalikdagi hamkorligi ichki me’yoriy hujjatlar bilan aniq belgilab qoʻyilgan.
Bundan tashqari mavjud boʻsh ish oʻrinlariga nomzodlarni ochiq tanlov asosida ishga qabul qilish amaliyoti joriy etildi, bank ehtiyojlari uchun xaridlarni shaffof tizim orqali amalga oshirish, ushbu jarayonda korrupsiyaviy xatarlarni aniqlash va bartaraf etish amaliyotlari joriy qilindi.
Ta’kidlash kerakki, bank faoliyatida korrupsiya holatlarining yuzaga kelish ehtimoli yuqori boʻlgan kreditlash amaliyotlarida, aholi va tadbirkorlik sub’ektlariga koʻrsatilayotgan bank xizmatlarini raqamlashtirish orqali inson omilini kamaytirish eng ustuvor vazifa qilib belgilangan.
Yo‘qoridagi ishlarimizning samarasi ularoq Korrupsiyaga qarshi kurashish agentligi ma’lumotlariga ko‘ra, “Mikrokreditbank” ATB 95 ta davlat tashkiloti orasida korrupsiyaga qarshi kurashish ishlarining samaradorligini baholash reyting natijalariga asosan 84 ball bilan yashil reytingda yaxshi ko‘rsatkichga ega bo‘ldi.
Ma‘lumot o‘rnida shuni aytib o‘tish joizki, xodimlarni malakasini oshirish va ularga korrupsiyaga nisbatan murosasiz munosabatni shakillantirish uchun Bankning korrupsiyaga qarshi kurashish tizimiga xalqaro standartlarni joriy qilish maqsadida,
89 nafar bank
xodimlari xalqaro trening markazida ISO 37001:2016 “Korrupsiyaga qarshi kurashni boshqarish tizimi - talablar va qo'llash bo'yicha ko'rsatmalar” bо‘yicha о‘qitildi va ular xalqaro sertifikatlarga ega bо‘lishdi.
Bank tizimida korrupsiyaga qarshi kurashish yо‘nalishida e’tiborga molik ishlardan biri, mijozlarga xizmat kо‘rsatishda ochiqlik va shaffoflikni ta’minlash, bu borada jamoatchilik bilan samarali aloqani yо‘lga qо‘yish maqsadida 4 ta aloqa kanali tashkil etilgan.
Darhaqiqat, korrupsiya jamiyat uchun katta havf, shuning uchun ham yurtimizda bu illatga qarshi tizimli kurash olib borilmoqda. Mikrokreditbank tizimida mehnat qilayotgan har bir xodimga ham korrupsiyaning oqibatlari haqida muntazam targ‘ibot-tavshiqot ishlari olib borilmoqda.
Bank axborot xizmati
Yana ko‘ring
Romitan tumanida tadbirkorlar bilan ochiq muloqot o‘tkazildi!
Muzrabotda bank xizmatlari yarmarkasi tashkil etildi
Shuningdek, yoshlar va aholi vakillarining savollariga mutaxassislar tomonidan batafsil javob berilib, mavjud imkoniyatlardan foydalanish tartibi yuzasidan zarur tavsiyalar berildi.
