Soʻnggi yillarda mamlakatni ijtimoiy-iqtisodiy rivojlantirish, faol tadbirkorlik, innovatsion gʻoyalar va bunyodkorlik salohiyatini qoʻllab-quvvatlash orqali aholiga munosib hayot sharoitlarini yaratish, ishbilarmonlik muhitini yaxshilash, bandlikni taʼminlash boʻyicha keng koʻlamli ishlar amalga oshirilmoqda.
“
Mikrokreditbank” ATB tomonidan ham joylarda aholini tadbirkorlikka jalb qilish va bu orqali yangi ish oʻrinlarini yaratish, bandlikni taʼminlash maqsadida “Har bir oila — tadbirkor” dasturi doirasida oʻz mehnati bilan daromad topish istagida boʻlgan fuqarolar doimiy qoʻllab-quvvatlanmoqda.
Buxoro viloyati Peshku tumanidagi “NODIRABEGIM SHAXZODBEK SHOXIJAHON” oilaviy korxonasiga ko‘chatchilik faoliyatini tashkil etish uchun “Mikrokreditbank” ATB tomonidan 300 million soʻmlik imtiyozli kredit ajratib berildi. Korxona rahbari Bahodir Badalov bankdan olingan ushbu kredit hisobiga oʻz tomorqasidagi 50 sotixli yer maydonida koʻchatchilik faoliyatini yoʻlga qoʻydi. Hozirda mazkur issiqxonada 170 ming tupdan ortiq koʻchat parvarishlanmoqda.
E’tiborlisi, ushbu loyiha tumandagi boshqa xonadon egalarida ham katta qiziqish uygʻotdi, mahalla bankirining tavsiyasi bilan “Bir kontur - bir mahsulot” tamoyili asosida 10 gektarlik maydonda kooperatsiya tashkil qilinib, ushbu kooperatsiyaga 50 nafar xonadon biriktirildi va ularning har biriga 20 sotixdan yer ijara asosida berildi. Bu bilan bank aholini shunday tashlab qo‘ymadi va issiqxona faoliyatini samaralari tashkil etish uchun ijara yer egalariga Mikrokreditbank tomonidan 900 mln. soʻm miqdordagi kredit mablagʻlari ajratildi.
Birinchi ekin mavsumida issiqxonalarda pomidor yetishtirildi. Natijada har bir xonadon 75 million soʻm daromad qilib, sof foyda 55 million soʻmni tashkil etdi. Hozirda ikkinchi hosil — bodring ekish ishlari boshlangan. Bu mavsumda esa har bir ijara yer egasi 50 million soʻmga yaqin daromad, 30 million soʻmdan ortiq sof foyda olishi kutilyapti. Yil yakuniga qadar har bir xonadon uchun umumiy sof foyda 90 million soʻmga yetishi rejalashtirilgan.
Mikrokreditbank aholining tashabbuslarini moliyaviy qoʻllab-quvvatlash, ularni tadbirkorlik faoliyatiga jalb qilish, eng muhimi, barqaror daromad manbalarini yaratishda davom etadi.
Bank Axborot xizmati
Yana ko‘ring
Brifing: 2025- yilda amalga oshirilgan ishlar va 2026- yilgi rejalar xususida
MKBANkning Xorazm viloyat hududiy boshqarmasi Markaziy bank tomonidan taqdirlandi
Ushbu yutuq va e’tirof jamoamizning masʼuliyatli hamda samarali mehnatining yaqqol ifodasidir.
