Buxoro shahrining “Dilkusho” mahallasida zamonaviy koʻrinishga ega, yangi maskan — xususiy bolalar bogʻchasi ish boshladi.
Mazkur muassasa mahalliy tadbirkor Shaxnoza Murodova tomonidan Mikrokreditbankning moliyaviy koʻmagida tashkil etildi.
Oʻzbekiston Respublikasi Prezidentining oilaviy tadbirkorlikni rivojlantirish va aholining biznes tashabbuslarini moliyalashtirishga doir qarori asosida bank tomonidan ushbu loyiha uchun 300 million soʻm miqdorida imtiyozli kredit ajratilgan boʻlib, mablagʻlar bogʻchani zamonaviy jihozlashga yoʻnaltirilgan.
2025-yil sentabr oyida ishga tushgan 50 oʻrinli bogʻchada bugun 25 nafarga yaqin bolajon tarbiyalanmoqda. Bogʻchada bolalarning sogʻlom va har tomonlama rivojlanishi uchun barcha shart-sharoit yaratilgan.
Ayniqsa, yasli yoshidagi bolajonlar uchun ham alohida tarbiyachilar ajratilgani, ota-onalarning bu maskanga bo‘lgan ishonchi ortayotganidan dalolatdir.
Mikrokreditbank taʼlim-tarbiya maskanlarini rivojlantirishga hissa qoʻsha oladigan tadbirkorlarni moliyaviy qoʻllab-quvvatlashda davom etadi.
Bank Axborot xizmati
Yana ko‘ring
Diqqat! MKBANK tizimida texnik ishlar olib borilmoqda!
MKBANK xodimi “MO‘TABAR AYOL” ko‘krak nishoni bilan taqdirlandi!
