Xalqaro tiklanish va taraqqiyot banki ishtirokidagi “O‘zbekiston Respublikasida meva-sabzavotchilik tarmog‘ini rivojlantirish” loyihasi doirasida “Mikrokreditbank” ATB hamda O‘zbekiston Respublikasi Iqtisodiyot va moliya vazirligi, O‘zbekiston Respublikasi Qishloq xo‘jaligi vazirligi o‘rtasida 19.7 million AQSh dollari miqdoridagi mablag‘larni jalb qilish bo‘yicha uch tomonlama qayta kreditlash bitimi imzolandi.
Bitim 2024-yil 14-fevral sanasida imzolangan bo‘lib, kredit liniyasi ko‘lami O‘zbekiston qonunchiligida belgilangan tartibda ro‘yxatdan o‘tgan jismoniy shaxslar, xususiy ishlab chiqaruvchilar, fermerlar va qishloq xo‘jaligi korxonalari kabi ko‘plab benefitsiarlarni qamrab oladi.
Mablag‘lar qishloq xo‘jaligi, oziq-ovqat mahsulotlarini qayta ishlash va ishlab chiqarish, to‘qimachilik, hunarmandchilik hamda agroturizm kabi turli sohalardagi sub-loyihalarni qamrab olgan tashabbuslarga yo‘naltiriladi.
MKBANK ko‘plab sohalarda tadbirkorlik va innovatsiyalarni qo‘llab-quvvatlab, qishloq xo‘jaligi sohasida meva va sabzavotchilik bo‘yicha yangi yo‘nalishlarni rivojlantirib kelmoqda. Bu orqali yaxlit iqtisodiy o‘sish va yangi ish o‘rinlari yaratishga erishish maqsad qilingan.
Ma’lumot o‘rnida aytish lozimki, bitim Prezidentimizning 2018-yil 20-iyundagi PQ-3790-sonli qaroriga muvofiq sohani jadal rivojlantirishga qaratilgan islohotlardan hisoblanadi.
Bank Axborot xizmati
Yana ko‘ring
MAVRID TEZDA: xalqaro pul o‘tkazmalarini Mavrid orqali amalga oshiring
O‘z biznesingizni boshlash uchun 30 mln so‘mgacha!
