Kuni kecha ijtimoiy tarmoqdagi “Sizdan Telegram” kanalida Mikrokreditbankka oid e’tirozli xabar joylandi. Unga ko‘ra, mijozga 2022-yil aprel oyida “Mikrokreditbank”ning Samarqand viloyati filiali sobiq boshlig‘i katta miqdorda imtiyozli kredit ajratishni vaʼda qilgani, shundan so‘ng fuqaro Ishtixon tumanidagi “Shirintoy” MTM faoliyatini ochish uchun 180 mln. so‘mlik qurilish materiallari xarid qilgani, ammo kredit ajratilmagani qayd etilgan.
Mazkur murojaat bank mutaxassislari tomonidan o‘rganilganda, ushbu mijozga ayni vaqtga qadar jami miqdori 1 847 mln so‘m bo‘lgan kreditlar ajratilgani (3 marotaba) aniqlandi.
Ya’ni, “Mikrokreditbank” Samarqand viloyat, Kattaqo‘rg‘on BXO mijozi hisoblangan “Shirintoy” NTMga 2020-yil 7-yanvar kuni 1-sonli kredit shartnomasiga asosan maktabgacha ta’lim muassasasini qurish maqsadida 1 mlrd so‘m miqdorida 36 oylik imtiyozli davr bilan 180 oy muddatga 1 foiz ustama haq to‘lash sharti bilan qurilish loyihasining 40,5 foizi miqdorida kredit ajratilgan.
Shundan so‘ng, 2021-yil 5-yanvar kuni tuzilgan 344-sonli kredit shartnomasiga asosan yana bir bora “Shirintoy” NTMga maktabgacha ta’lim muassasasini qurish maqsadida 247 mln so‘m miqdorida 36 oylik imtiyozli davr bilan 180 oy muddatga 1 foiz ustama haq to‘lash sharti bilan qurilish loyihasining 10 foizi miqdorida kredit ajratilgan.
2021-yil 21-iyun kuni tuzilgan kredit shartnomasiga asosan esa bank tomonidan uchinchi marotaba “Shirintoy” NTMga maktabgacha ta’lim muassasasini qurish maqsadida 600 mln so‘m miqdorida 36 oylik imtiyozli davr bilan 180 oy muddatga 1 foiz ustama haq to‘lash sharti bilan qurilish loyihasining 20,5 foizi miqdorida kredit ajratilgan.
Shunday qilib, “Mikrokreditbank” Samarqand viloyat Kattaqo‘rg‘on BXO tomonidan “Shirintoy” NTMga bugungi kunga qadar jami ajratilgan kreditlar miqdori 1 847 mln so‘mni tashkil etadi.
Kattaqo‘rg‘on BXO tomonidan 2023-yil 3-aprel kuni o‘tkazilgan monitoring dalolatnomasiga asosan NTM bog‘cha 100 o‘rinli bola soni bilan faoliyat yuritayotganligi aniqlangan.
“Mikrokreditbank” Samarqand viloyat mintaqaviy filiali sobiq boshlig‘iga nisbatan e’tiroz yuzasidan surishtirilganda esa, filial sobiq rahbari hozirgi kunda faoliyat yuritmayotganligi hamda 180 mln so‘mlik qurilish materiallari bo‘yicha shartnoma yoki boshqa huquqiy hujjatlar filial ma’muriyatida mavjud emasligi aniqlandi hamda bu borada huquqni muhofaza qililuvchi organlarga murojaat qilish tushuntirildi.
Bank Axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
