HURMАTLI АKSIYADORLАR!
“Mikrokreditbank” aksiyadorlik-tijorat banki Kuzatuv kengashi aksiyadorlarining navbatdan tashqari umumiy yigʼilishi 2022-yil 6-dekabr kuni, soat 11:00 dan boshlab, Toshkent shahri, Lutfiy koʼchasi,14-uy manzilida joylashgan “Mikrokreditbank” АTB majlislar zalida oʼtkazilishini maʼlum qiladi.
Yigʼilish kun tartibi:
1. “Mikrokreditbank” aksiyadorlik-tijorat banki Аksiyadorlarining navbatdan tashqari umumiy yigʼilishi reglamentini tasdiqlash.
2. “Mikrokreditbank” aksiyadorlik-tijorat bankining “Kuzatuv kengashi toʼgʼrisida”gi, “Boshqaruvi toʼgʼrisida”gi hamda “Kuzatuv kengashi aʼzolariga haq va kompensatsiyalar toʼlash tartibi toʼgʼrisida”gi Nizomlariga oʼzgartirishlar va qoʼshimchalar kiritish.
3. “Mikrokreditbank” aksiyadorlik-tijorat bankining 2022-2023-yillar faoliyati yakuni yuzasidan majburiy auditorlik tekshiruvi oʼtkazish, auditorlik tashkiloti va uning xizmatlariga toʼlanadigan eng koʼp haq miqdori chegarasini belgilash, shuningdek, u bilan shartnoma tuzish.
“Mikrokreditbank” АTB Kuzatuv kengashining 2022-yil 7-noyabr kungi majlisi qaroriga asosan, aksiyadorlarning navbatdan tashqari umumiy yigʼilishida ishtirok etish huquqiga ega boʼlgan aktsiyadorlar reestri 2022-yil 30-noyabr kuni holatiga hamda umumiy yigʼilish oʼtkazilishi haqida aksiyadorlarga xabar qilish uchun aksiyadorlar reestri 2022-yil 7-noyabr kuni holatiga tuziladi.
Аksiyadorlarni roʼyxatga olish 2022-yil 6-dekabr kuni soat 10:00 dan 10:50 gacha davom etadi.
Аksiyadorlar umumiy yigʼilishda shaxsini tasdiqlovchi hujjat va yozma shaklda tuzilgan ishonchnoma asosida qatnashadi, yuridik shaxs nomidan berilgan ishonchnoma qonun hujjatlarida belgilangan tartibda, jismoniy shaxs nomidan berilgan ishonchnoma notarial tasdiqlangan boʼlishi kerak.
Аksiyadorlarning umumiy yigʼilishi videokonferens-aloqa tarzida oʼtkazilsa, bu haqda qoʼshimcha maʼlumot beriladi.
Yigʼilish oʼtkazish boʼyicha qoʼshimcha axborot, unda koʼriladigan masalalarning hujjatlari bilan yuqoridagi manzilga va quyidagi telefon raqamlariga murojaat qilish hamda bankning korporativ veb-sayti (www.mikrokreditbank.uz) orqali tanishish mumkin.
Tel: 998 (71) 202-99-99 (1316, 1317)
Bank Kuzatuv kengashi
Yana ko‘ring
Romitan tumanida tadbirkorlar bilan ochiq muloqot o‘tkazildi!
Muzrabotda bank xizmatlari yarmarkasi tashkil etildi
Shuningdek, yoshlar va aholi vakillarining savollariga mutaxassislar tomonidan batafsil javob berilib, mavjud imkoniyatlardan foydalanish tartibi yuzasidan zarur tavsiyalar berildi.
