“Mikrokreditbank” ATB Polsha banklar uyushmasi bilan NDA shartnomasini imzolashga kelishib oldi

Bugungi kunda ma'lumotlar zaxirasining xavfsizligi hamda axborot almashinuvining ishonchliligi muhim ahamiyatga ega. MKBANK tizimida ham bu jihatga alohida e'tibor qaratilgan.

Kuni kecha “Mikrokreditbank” ATB Boshqaruv raisi o‘rinbosari I.Djumaniyazov va Polsha banklar uyushmasi raisi Tadeusz Białek bilan uchrashuv o‘tkazildi. Unda ikki moliya tashkilotining kelajakdagi hamkorligi va rejalari to‘g‘risida suhbatlashildi. 

Uchrashuv yakuniga ko‘ra bank va hamkor tashkilot o‘rtasida NDA shartnomasini imzolash bo‘yicha kelishuvga erishildi.

Qayd etish kerakki, mazkur uchrashuv va imzolanishi kutilayotgan hamkorlik bitimi bankimiz mijozlariga Polsha banklaridan savdoni moliyalashtirish limitini jalb qilish imkoniyatini taqdim etadi. Shu bilan birga, Polsha banklar uyushmasining ko‘magida Polshadagi boshqa yetakchi banklar bilan ham hamkorlik aloqalarini o‘rnatishga yo‘l ochadi.

Ma’lumot o‘rnida, NDA shartnomasi maxfiy ma'lumotlarni almashish uchun oshkor qilmaslik to'g'risidagi shartnoma hisobanadi. 

Bank Axborot xizmati