Bugun yurtimizdagi yoshlar siyosati xalqaro jamoatchilik tomonidan ham e’tirof etilmoqda. Quvonarlisi, O‘zbekiston Birlashgan Millatlar Tashkilotining “Yoshlar – 2030” strategiyasini jadal amalga oshirayotgan 10 ta davlat qatoridan joy oldi.
Ayni damda, O‘zbekiston aholisining 60 foizini yoshlar tashkil etadi. Har yili mehnat bozoriga 600 mingdan ortiq yigit-qizlar kirib kelmoqda. 2030-yilga borib, bu ko‘rsatkich 1 million nafarga yetadi, degan edi yurtboshimiz joriy yilning 14-fevral kuni yoshlar bilan bo‘lib o‘tgan ochiq muloqot chog‘ida.
Ta’kidlash kerakki, yoshlarning bandligini ta’minlash, intilishlariga sharoit yaratish davlatimizning ustuvor siyosatiga aylangani hech kimga sir emas. Ana shu yo‘lda “Mikrokreditbank” ATBda ham qator ishlar amalga oshirilmoqda.
Jumladan, bankka biriktirilgan yoshlar bilan uchrashib, ularning muammolarini hal qilish va salohiyatini yuzaga chiqarish, ularni talab yuqori bo‘lgan chet tillariga, kasb-hunarga o‘qitish, tadbirkorlik va qishloq xo‘jaligi faoliyatini tashkil etishida ko‘maklashish hamda mavjud bo‘sh ish о‘rinlаrigа joylashtirish orqali bandligini ta’minlash, hayotda o‘z о‘rnini topishi, shuningdek, huquqiy ongi va madaniyatini yuksaltirishga hаr tomonlama yordamlashish bo‘yicha Yo‘l-xaritasi ishlab chiqildi.
Mazkur Yo‘l-xarita asosida “Mikrokreditbank” ATBga biriktirilgan 46 nafar “og‘ir toifa”dagi yoshlar muammolarini o‘rganish maqsadida, bankning yoshlar yetakchisi Toshkent viloyati Yangiyo‘l tumanida bo‘ldi.
“Mikrokreditbank” ATB yoshlar yetakchisi mahallalardagi yoshlar yetakchilari bilan u yerdagi yoshlarni qanday muammolar qiynayotgani va qanday ehtiyoji borligi bilan qiziqdi. Shuningdek, yoshlarning ota-onalari bilan ham suhbatlashdi.
Shu kuni 15 nafar “ahvoli ogʻir” toifadagi yoshlarning ehtiyojlari takliflari, istak va qiziqishlari o‘rganildi.
Kelgusida bank tomonidan, ayniqsa, “og‘ir toifa”dagi yoshlar bilan muntazam uchrashuvlar o‘tkazilib, amaliy yordam ko‘rsatish va ularni jamiyatda o‘z o‘rnini topishiga ko‘maklashish bo‘yicha izchil ishlar olib boriladi.
Ma’lumot uchun, joriy yilda yoshlar yetakchilari tomonidan 9 452 ta mahallada xonadonma-xonadon xatlov ishlari orqali 14-30 yoshdagi 9,2mln nаfаr "уоshlаr balansi" shakllantirilib, 3 ta toifa ("yashil", "sariq", "og'ir" toifalari) kesimida ularning muammosi, takliflari, istak va qiziqishlarini o‘rganib va ularga amaliy yordam berish rejalashtirilgan.
Bank Axborot xizmati
Yana ko‘ring
Diqqat! MKBANK tizimida texnik ishlar olib borilmoqda!
Korrupsiyasiz bank: MKBANKda navbatdagi o‘quv seminari tashkil etildi
Seminar davomida xodimlar o‘zlarini qiziqtirgan savollarga javob olish bilan birga, bu illatga birgalikda kurashish lozimligini bildirishdi.
