Joriy yilning 6-aprel kuni Moody’s xalqaro reyting agentligi “Mikrokreditbank” ATBning uzoq muddatli kontragent riskini baholash reytingini Ba3 darajasida hamda bankning milliy va xorijiy valyutadagi depozitlari reytingini Ba3 “Barqaror” darajasida baholadi.
Shuningdek, uzoq muddatli mahalliy va xorijiy kontragent tavakkalchilik reytingi Ba3 darajasida baholandi. Moody’s prognozlariga ko‘ra, jadal o‘sish sharoitida bank kapitalining yetarliligi barqarorligicha qolmoqda, bu esa bankni mijozlar, hamkorlar va shuningdek, investorlar uchun ishonchli hamkorligini bildiradi.
— “Mikrokreditbank” ATB mamlakatimizdagi eng yirik banklar qatoriga kiradi va xalqaro baholash jarayonida o‘z maqomini muntazam tasdiqlab keladi, – deb ta’kidlaydi “Mikrokreditbank” ATB boshqaruv raisi o‘rinbosari Ikram Djumaniyazov. — Shu bilan bir qatorda, bank jadal rivojlanishda davom etmoqda hamda xalqaro tahlilchilar tomonidan suveren reyting darajasida baholanishi mijozlar va hamkorlar uchun ishonchli bank sifatida namoyon etadi.
“Barqaror” prognoz bankning balanslashgan xavf-xatarlar profili va Moody’s tomonidan kutilgan natijalarni aks ettiradi hamda reyting hisobotida ko‘rsatilganidek, bankning asosiy ko‘rsatkichlari keyingi 12-18 oylar davomida barqaror qolishini ta’kidlaydi.
Ma’lumot uchun: Hozirda “Mikrokreditbank” ATB reytingi Fitch Ratings hamda Moody’s Investor Service tomonidan baholangan bo‘lib, ikkala reyting agentligi ham bank reytingini suveren reyting darajasida baholagan.
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
