“Mikrokreditbank” АTB va “Asaka Motors International” kompaniyasi oʼrtasida hamkorlik kelishuviga erishildi. Hujjatlar “Mikrokreditbank” АTB Boshqaruv Raisi oʼrinbosari Ikrom Djumaniyazov hamda “Asaka Motors International” kompaniyasi bosh direktori Аvazbek Jalilov tomonidan imzolandi. 

Insta 1080+33+44.png

Kelishuvga binoan endilikda, “Mikrokreditbank” АTB mijozlari uchun imtiyozli shartlar asosida “Asaka Motors International” kompaniyasi tomonidan taqdim etiladigan avtomobillarni muddatli toʼlov hamda kredit hisobiga xarid qilish imkoniyati yaratildi. 

Insta 1080 (8).png

Kreditlar quyidagi shartlar asosida ajratilinadi: 
“Yengil avtotransport vositalarini birlamchi bozordan sotib olish uchun” kredit doirasida
Muddati: 60 oygacha
Foizi: 0-21,5%
Miqdori: BHM ning 2 000 baravari
Boshlangʼich toʼlov: 10-50%

“Komfort” avtokrediti doirasida
Muddati: 60 oygacha
Foizi: 9-24%
Miqdori: BHM ning 2 000 baravari
Boshlangʼich toʼlov: 20-30%

Maʼlumot uchun: “Asaka Motors International” Oʼzbekiston Respublikasida avtomobil ishlab chiqaruvchi kompaniya boʼlib, 2023-yilning yanvar oyida EXEED brendining rasmiy distribyuteriga aylandi. 2023-yil may oyida esa Sirdaryo viloyatida EXEED brendi ostidagi avtomobillarni ishlab chiqaruvchi korxonani ishga tushirdi. “Asaka Motors International” kompaniyasi shuningdek, Geely, Opel, Alfa Romeo va Fiat brendlarining ham Oʼzbekistondagi rasmiy distrubyutori hisoblanadi.

Bank axborot xizmati