Mamlakatimizda islohotlarning ilk bosqichidayoq taʼlim tizimini rivojlantirishga katta eʼtibor qaratildi. Soʻnggi yillarda bu sohada ulkan natijalarga erishilmoqda.
Davlatimiz rahbari Boʻstonliq tumanida oʻqituvchi va murabbiylar bilan muloqotida taʼlim-tarbiya sohasi va pedagoglarning xizmatlarini yuksak baholab, ularning jamiyat taraqqiyotidagi oʻrnini alohida qayd etdi.
“Mikrokreditbank” ATB ham taʼlim sohasini qoʻllab-quvvatlashga oʻz hissasini qoʻshib, ushbu yoʻnalishda qator loyihalarni amalga oshirmoqda.
Shunday tashabbuslarga Toshkent shahri Yangi hayot tumani Xushnud mahallasidagi maxsus xususiy bogʻchasi misol bo‘ladi. Bu yeda bolajonlarning eshitish va gapirish qobiliyati rivojlantiriladi. Bogʻcha rahbari Sarvinoz Togʻayeva. Uning hayotidagi sinovlar bugungi faoliyati uchun asos boʻldi. Ayni paytda bogʻchada 16 nafar bola tarbiyalanmoqda, 5 ta ish oʻrni yaratilgan.
Loyiha qiymati 90 million soʻmni tashkil etadi. Uning 33 million soʻmi Mikrokreditbank tomonidan imtiyozli kredit sifatida ajratildi. Bank Boshqaruv raisi oʻrinbosari Shaxlo Ibragimova muassasada boʻlib, sharoitlar bilan tanishdi va kelgusida ham qoʻllab-quvvatlashga tayyorligini bildirdi.
Shu oʻrinda taʼkidlash lozimki, “Mikrokreditbank” ATB tomonidan 2025-yilning 9 oyi davomida taʼlim sohasini qoʻllab-quvvatlash uchun 40 milliard so‘mdan ortiq kredit mablagʻlari yoʻnaltirilib, sohada 1 000 ga yaqin aholi bandligi taʼminlandi. Ushbu kreditlarning asosiy qismi maktabgacha taʼlim sohasi hissasiga toʻgʻri keladi.
Oramizda Sarvinoz Togʻayeva kabi fidoiy murabbiylar juda koʻp. Ularning mana shunday tashabbuslari natijasida yosh avlod kelajakda nafaqat yurtimizda, balki xalqaro maydonda ham oʻz bilimi va iqtidorini namoyon etadi.
Zero bugungi avlod Yangi Oʻzbekistonning yorqin kelajagi. Mikrokreditbank ham taʼlim sohasini rivojlantirishga hissa qoʻsha oladigan tadbirkorlarni moliyaviy qoʻllab-quvvatlashda davom etadi.
Bank Axborot xizmati
Yana ko‘ring
Xalqaro pul o‘tkazmalari – MKBANK bilan tez, qulay va ishonchli yechim
Dam olish kunlari ham MKBANK xizmatlari ishlaydi
“Mikrokreditbank” ATB Boshqaruv raisining Oʻzbekiston Respublikasi Prezidenti va Hukumat hujjatlari ijrosi toʻgʻrisida axboroti
2026-yilning yanvar-mart oyida 1 336 ta mikroloyiha amalga oshirilishi belgilangan boʻlib, 1-aprel holatiga 3 356 ta mikroloyiha “Online-mahalla.uz” platformasiga kiritildi.
