Mikrokreditbank aksiyadorlik-tijorat banki Markaziy Osiyoda birinchilardan bo‘lib, Barclays Bank PLC va Bank of New York Mellon bilan gibrid bitim tuzish orqali kredit liniyasi mablag‘larini jalb qildi.
“Mikrokreditbank” ATB Xalqaro yirik banklar — Barclays PLC va Bank of New York Mellondan 50 mln YEVRO miqdoridagi kredit liniyasini jalb qildi. Mazkur bitim Barclays PLC bankining Markaziy Osiyodagi ilk ishtiroki bo'lib, bu Mikrokreditbankning xalqaro aloqalarda strategik hamkorlikni ta'minlashdagi salohiyatini namoyish etadi.
Ushbu kredit liniyasining o'ziga xos xususiyati, investorlarga ikkilamchi bozor savdolarida faol ishtirok etish imkonini beradi. Shuningdek, bitimning yana bir muvaffaqiyati bu Investitsiyalar va eksport kreditlarini sug‘urtalash bo‘yicha Islom korporatsiyasining (ICIEC) ishtiroki bo'lib, u butun operatsiyani sug'urtalashda hal qiluvchi rol o‘ynaydi.
ICIEC bilan strategik hamkorlik Mikrokreditbankning moliyaviy tranzaksiyalari mustahkamligi va xavfsizligini ta'minlab, shu orqali manfaatdor tomonlar o'rtasida ishonchni mustahkamlaydi.
Quvonarlisi, gibrid usulida ishlab chiqilgan ushbu innovatsion kredit liniyasi kichik va o‘rta biznes (SME) ehtiyojlarini qondirish uchun maxsus mo‘ljallangan.
Ta’kidlash kerakki, Mikrokreditbankning Barclays PLC va Bank of New York Mellon bilan hamkorligi O‘zbekistondagi kichik va o‘rta biznes uchun qulay hamda dinamik moliyaviy yechimlarni taqdim etish orqali mahalliy iqtisodiy o'sishni rag'batlantirishga xizmat qiladi.
Mikrokreditbank ilg‘or moliyaviy yechimlar, iqtisodiy barqarorlikni oshirish va O‘zbekistonda porloq kelajak uchun zamin yaratishda yetakchilik qilishda davom etadi.
Bank Axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
