Joriy yilning 20-21-oktabr kunlari “Mikrokreditbank” ATB Boshqaruvi raisi oʻrinbosari Ikrom Djumaniyazov Toshkent viloyatining Oqqo‘rg‘on tumanida “Navro‘z” mahallasida boʻlib, tadbiroklar va aholi vakillari bilan uchrashdi.
Taʼkidlash joiz, MKBANK rahbariyati tadbirkorlikni qoʻllab-quvvatlash, aholi bandligini taʼminlash, ularni daromadli mehnatga jalb etishga qaratilgan amaliy ishlarini izchil davom ettirmoqda.
Jumladan, Oqqo‘rg‘on tumanida o‘tkazilgan uchrashuvda ham 20ga yaqin fuqaro va tadbirkorlar qatnashib, unda tadbirkorlar va yoshlarning faoliyatidagi muammo hamda takliflar tinglandi. Aniqlangan masalalarni hal etish boʻyicha tegishli choralar belgilab olindi.
Shuningdek, Oqqo‘rg‘on tumani “Alimkent” mahallasida ham uchrashuvlar o‘tkazilib, 20dan ortiq fuqaro va tadbirkorlarning takliflari eshitildi.
Tashrif doirasida “Mikrokreditbank” ATB Boshqaruvi raisi oʻrinbosari Ikrom Djumaniyazov xonadonlarda amalga oshirilayotgan mikroloyihalar bilan tanishdi.
Bu kabi uchrashuvlar tadbirkorlarning muammolarini bevosita tinglash, ularga amaliy yordam ko‘rsatish va kelgusidagi faoliyatlari uchun zarur shart-sharoitlarni yaratishda muhim ahamiyat kasb etadi. Zero, tadbirkorni qo‘llab-quvvatlash – bu jamiyatni qo‘llab-quvvatlashdir.
Bank Axborot xizmati
Yana ko‘ring
TADBIRKORLAR VA AHOLI BILAN UCHRASHUV O‘TKAZILMOQDA
Buxoroda zamonaviy bog‘dorchilik sari muhim qadam
