Kuni kecha Toshkent shahrida yurtimizdagi yetakchi bank-moliya tarmogʻi vakillarini bir joyga jamlagan “UZCARD FORUM 2024” tadbiri boʻlib oʻtdi. Mazkur tadbirda “Mikrokreditbank” ATB ham yetakchi moliya muassasalari qatorida ishtirok etdi.

“UZCARD AWARDS” 2024 taqdirlash marosimida Mikrokreditbankning yutuqlari ham alohida eʼtirof etilib, “Eng yaxshi emitent” nominatsiyasi boʻyicha gʻolib deb topildi. 

Bu mukofotni bankimizning moliyaviy xizmatlar sohasidagi yutuqlari va mijozlarga yuqori sifatli xizmat koʻrsatishning namunasi deb bilamiz! 

Fursatdan foydalanib, barcha tashkilotchilarga minnatdorlik bildiramiz va kelgusida ham ishonchli hamkorlikka intilamiz!