Xabaringiz bor, joriy yilning 10–12-iyun kunlari poytaxtimizda IV Toshkent Xalqaro Investitsiya Forumi (TIIF 2025) boʻlib oʻtmoqda. Unda xalqaro investorlar, moliya institutlari, biznes va davlat sektori vakillari ishtirok etib, oʻzaro muloqot, sheriklik va yangi loyihalarni muhokama qilishmoqda.
Ushbu forumda faol qatnashayotgan “Mikrokreditbank” ATB ham bir qator xalqaro moliya institutlari va yirik kompaniyalar bilan samarali uchrashuvlar oʻtkazdi.
Jumladan, Xitoy Xalq Respublikasining Buyuk Britaniyadagi sho‘ba banki ICBC Standard Bank Plc bilan 15 mln. Yevro miqdorida depozit jalb qilish bo‘yicha shartnoma imzoladi.
Mazkur shartnomaning imzolanishi xalqaro moliyaviy aloqalarni mustahkamlash va rivojlantirish, bank mijozlariga xalqaro miqyosda tezkor va sifatli xizmatlar taqdim etish, xorijiy valyutadagi hisob-kitoblarni amalga oshirishda qulaylik yaratish, bank mijozlarining eksport va import amaliyotlarini soddalashtirish, savdoni moliyalashtirish, akkreditivlar va bank kafolatlari bilan bog‘liq faoliyatni samarali yuritishga imkon beradi.
Shuningdek, ushbu hamkorlik natijasida ICBC Standard Bank Plc bilan 20-50 mln. Yevro miqdorida 2 yil muddatga to‘g‘ridan-to‘g‘ri kredit liniyasi jalb qilish va bankda vakillik hisobraqamlari ochish rejalashtirilgan.
Albatta, bunday hamkorlik ikki moliya instituti o‘rtasida kelajakda boshqa yo‘nalishlar bo‘yicha uzoq muddatli strategik hamkorlik uchun ham asos bo‘lib xizmat qilishiga ishonamiz.
Bank Axborot xizmati
Yana ko‘ring
Buxoroda zamonaviy bog‘dorchilik sari muhim qadam
HOLATGA HUQUQIY BAHO BERILADI
