2026-yil 19–20-oktabr kunlari Mikrokreditbank Mashreqbank PSC tomonidan tashkil etilgan Dubaydagi Deal Roadshow tadbirida ishtirok etdi. Tadbir doirasida Bank uchun 80 million yevrogacha sindikatsiyalangan moliyalashtirishni jalb qilish masalasi muhokama qilindi.
Roadshow davomida Mikrokreditbank Yaqin Sharq, Osiyo va Yevropaning yetakchi xalqaro moliya institutlari vakillari bilan uchrashuvlar o‘tkazdi. Muzokaralar bo‘lajak sindikatsiyalangan moliyalashtirish bitimi doirasida hamkorlik aloqalarini rivojlantirishga qaratildi.
Mazkur tashabbus Mikrokreditbankning xalqaro moliya bozoridagi ishtirokini kengaytirish va resurs bazasini mustahkamlash yo‘lidagi muhim qadamlardan biridir.
Sindikatsiyalangan moliyalashtirishni jalb qilish Bankka xalqaro kreditorlar doirasini kengaytirish, yangi bank-hamkorlar bilan aloqalar o‘rnatish, moliyalashtirish manbalarini diversifikatsiya qilish hamda xalqaro moliya institutlari bilan uzoq muddatli hamkorlikni rivojlantirish imkonini beradi.
Mikrokreditbank xalqaro moliya institutlari bilan o‘zaro manfaatli hamkorlikni mustahkamlash, zamonaviy moliyalashtirish vositalarini keng joriy etish va Bankning moliyaviy imkoniyatlarini yanada oshirishga intiladi.
Bank Axborot xizmati
Yana ko‘ring
“Rohat Residence” turar joy majmuasi bilan bog‘liq holat yuzasidan rasmiy munosabat
Korrupsiya haqida xabar ber, adolat uchun kurash!
Jim turish – bu illatga ijozat berishdir.
