Bugun yurtimizda ayollar bandligini taʼminlash, ularning tadbirkorlik faoliyatini qoʼllab-quvvatlash va bu borada duch kelayotgan muammolariga yechim topish davlatimiz siyosatining eng muhim yoʼnalishiga aylanib ulgurdi.
«Mikrokreditbank» АTB tomonidan ham yurtimizning turli hududlaridagi ana shunday xotin-qizlarni tizimli qoʼllab-quvvatlash, ayollar tadbirkorligini rivojlantirish borasida muayyan ishlar amalga oshirib kelinmoqda.
Jumladan, 2022-yil boshidan bugungi kunga qadar 36 196 nafar xotin-qizning tadbirkorlikning turli yoʼnalishdagi loyihalarini moliyalashtirish boʼyicha bank tomonidan zaruriy choralar koʼrilgan holda ijtimoiy dasturlar doirasida 724,4 mlrd. soʼm imtiyozli kreditlar ajratildi, natijada 36 756 nafar ayollar bandligi taʼminlandi.
Masalan, «Mikrokreditbank» АTBning Namangan mintaqaviy filiali tomonidan opa-singil Turopovalarga imtiyozli kredit ajratilgan boʼlib, ular ayni kunda ushbu mablagʼ hisobiga goʼzallik saloni ochib, 5 nafar ishsiz xotin-qizni ish bilan taʼminladi. Namanganlik Dilfuza Аhmedova esa bankdan kredit olib, oʼz tumanida uy bogʼcha ochdi va mahallasidagi ayollarni ish bilan taʼminlash orqali koʼplab oilalarning bolajonlari uchun shinam goʼshani tashkil etdi.
Sirdaryo viloyati Boyovut tumanida yashovchi fuqaro D.Mamatboyevaga «Har bir oila tadbirkor» dasturi doirasida oʼz uyida issiqxona tashkil qilish uchun 33 mln. soʼm, N.Nabiyevaga «Har bir oila tadbirkor» dasturi doirasida tikuvchilikni tashkil qilish uchun 75 mln. soʼm kredit mablagʼlari ajratildi va tumandagi ishsiz yoshlarni, xotin-qizlarni ish bilan taʼminlash yoʼlga qoʼyildi.
Taʼkidlash joizki, mazkur ajratilgan imtiyozli kreditlar hisobiga hududlarda ishlab chiqarish, xizmat koʼrsatish, tikuvchilik, parrandachilik, issiqxona, non va qandolat mahsulotlari ishlab chiqarish, asalarichilik, quyonchilik, hunarmandchilik, oʼzini oʼzi band qilish hamda boshqa sohalarni yanada rivojlantirishga puxta zamin yaratildi.
Oilaviy tadbirkorlikni rivojlantirish dasturlari doirasida imtiyozli kreditlarni, ustuvor ravishda “Аyollar daftari”ga kiritilgan ishsiz xotin-qizlar bandligini taʼminlashga yoʼnaltirish, ushbu daftarga kiritilgan xotin-qizlarga tadbirkorlik faoliyatini yoʼlga qoʼyishdan oldin ularga tadbirkorlik koʼnikmalarini oʼrgatish va biznes loyihalarini tayyorlashga koʼmaklashish, ularga imtiyozli kreditlar ajratish, xotin-qizlarni ishga jalb qilgan holda kooperatsiya usulida tadbirkorlikni yoʼlga qoʼyish yuzasidan bank tomonidan nazorat oʼrnatilgan. Natijada “Аyollar daftari” 3-bosqichda daftarga kiritilgan, tadbirkorlik istagida boʼlgan 9 189 nafar xotin-qizga 89 mlrd. soʼm imtiyozli kredit ajratildi.
Xulosa oʼrnida shuni aytish mumkinki, «Mikrokreditbank» АTB xotin-qizlarni tizimli qoʼllab-quvvatlash borasidagi ishlarni yanada jadallashtirish uchun tadbirkorlik istagida boʼlgan xotin-qizlarga imtiyozli kredit mablagʼlari ajratilishida koʼmaklashadi va bu kabi ishlar keyingi oylarda ham davom ettiriladi.
Bank Аxborot xizmati
Yana ko‘ring
MKBANKda sun’iy intellekt ish boshladi! (test rejimida)
MKBANK “Olimpic day”da faol ishtirok etdi!
Bankning ushbu tadbirdagi ishtiroki ham jismoniy tarbiya va sportni rivojlantirish, aholining sportga bo‘lgan qiziqishini yanada oshirishga xizmat qildi.
