“Mikrokreditbank” aksiyadorlik-tijorat banki “Makon marketing forum 2023” V xalqaro bisnes-forumida “2022-yilda Oʻzbekistonda inklyuziv bank xizmatlarini rivojlantirganligi uchun” nominatsiyasi bilan taqdirlandi.
Poytaxtimizdagi “Hyatt Regency” mehmonxonasida 20-may kuni yirik xalqaro tadbir – “MAKON Marketing Forum 2023” boʼlib oʼtdi.
Tadbir Raqobatni rivojlantirish va isteʼmolchilar huquqlarini himoya qilish qoʼmitasi hamda Oʼzbekiston marketing uyushmasi tomonidan tashkil etildi. Unda yurtimiz hamda Qozogʼiston, Singapur, Turkiya, Rossiya kabi davlatlarning yetakchi ekspert, marketolog va yirik kompaniyalar top-menejerlari ishtirok etdi.
Marketingni toʼgʼri yuritish va mijozni aldamaslik iqtisodiy yuksalishni kafolatlaydi, shunday ekan bugungi kunda amalga oshirilayotgan islohotlar va yangilanishlarini ochiqlik bilan ko’rsatib beruvchi marketingning roli ahamiyatli bo’lgani sababli ham ushbu tadbir 5 yildan beri davom etib kelmoqda.
Forum doirasidagi maʼruzalarda ekspertlardan marketing va reklamaning samarali usullari, sohada zamonaviy yoʼnalishlar, biznesda muvaffaqiyatga erishishning oʼziga xos yoʼllari kabi mavzularga alohida eʼtibor qaratildi.
– Markaziy Osiyodagi marketing sohasi tadbirkorlari va yetakchi ekspertlarni jam qilgan yirik forumda eʼtirof etilganimizdan mamnunmiz, – deydi bank boshqaruv raisining birinchi oʼrinbosari Аkmal Hamidov. – Marketingni toʼgʼri yoʼlga qoʼyish nafaqat tadbirkorlik subʼektlari, balki moliyaviy institutlar uchun ham juda muhim sanaladi. Shu jihatni inobatga olib bugungi forumning ahamiyatini yuqori baholaymiz. Bank sektorida oxirgi yillarda mamlakatimizda oʼzgarish katta boʼldi, raqobat keskin ortdi. Bu mijozlarga yanada qulaylik yaratish, sifatli xizmat koʼrsatishda izlanishni talab etadi. Faoliyatimizga yangiliklarni kengroq tatbiq etishga toʼgʼri kelmoqda. Oʼtgan yili bankimizda Marketing va reklama boshqarmasini tashkil qildik. Bu boshqarma doimiy izlanishda, mijozlar talab va istaklari tahlil qilib borilmoqda. Marketingni toʼgʼri yoʼlga qoʼyish bilan mijozni jalb qilish mumkin, lekin keyinchalik sifatli xizmat koʼrsatilmasa barchasi befoyda boʼladi. Shuni inobatga olib uzoqni koʼzlagan, samarali loyihalarni hayotga tatbiq qilmoqdamiz.
Darhaqiqat, “Mikrokreditbank” АTB tomonidan aholining keng qatlamlariga moliyaviy koʼmak berish jumladan inklyuziv bank xizmatlarini rivojlantirish bankimizning ustuvor yoʼnalishlaridan biri
