Bugun, 7-dekabr kuni Mikrokreditbank ATBda 8-dekabr — O‘zbekiston Respublikasi Konstitutsiyasining 30 yilligi va 9-dekabr — Xalqaro korrupsiyaga qarshi kurashish kuni munosabati bilan “Antikorrupsiya haftaligi” doirasida “Ochiq eshiklar kuni” munosabati bilan bayram tadbiri tashkil etildi.
Tadbirda Oʼzbekiston Respublikasi Korrupsiyaga qarshi kurashish agentligi Korrupsiyaning oldini olish va “komplaens-nazorat” tizimini joriy etish boshqarmasi sektor rahbari Raxmonov Bekzod Xasanovich va Yuridik fanlari doktori Igor Kudryavsev, OAV vakillari, blogerlar hamda bank jamoasi ishtirok etishdi.
Tadbir mehmonlari yig‘ilganlarni bayram munosabati bilan qizg‘in qutlab, tinch va farovon hayotimizning muhim kafolati hamda mustahkam huquqiy poydevori bo‘lgan Bosh qomusimizning hayotimizdagi o‘rni haqida o‘z fikrlarini bildirishdi.
Yana tadbir davomida mamlakatimizda korrupsiyaning oldini olish borasida ham bir qator muhim oʼzgarishlar amalga oshirilayotgani, xalqaro amaliyotga tayangan holda milliy qonunchiligimizga tegishli oʼzgartirish va qoʼshimchalar kiritilayotgani ta’kidlandi.
Ta’kidlash kerakki, “Korrupsiyaga qarshi kurashish toʼgʼrisida”gi Qonunning qabul qilinishi mazkur sohada boshlagan islohotlarimizning oʼziga xos huquqiy poydevori boʼlib, korrupsiyaning barvaqt oldini olishga qaratilgan muhim kontseptual hujjatlar sifatida xizmat qilmoqda.
Shuningdek, Oʼzbekiston Respublikasi Prezidentining 2021-yil 6-iyuldagi “Korrupsiyaga qarshi murosasiz munosabatda boʼlish muhitini yaratish, davlat va jamiyat boshqaruvida korruptsiyaviy omillarni keskin kamaytirish va bunda jamoatchilik ishtirokini kengaytirish chora-tadbirlari toʼgʼrisida”gi PF–6257-sonli Farmonining imzolanishi, korrupsiyaga oid jinoyatlarni sodir etgan shaxslarga nisbatan jazo choralari kuchaytirilib, jinoiy jazoni oʼtashda yengillashtiruvchi normalar qoʼllanilishiga cheklovlar oʼrnatilishi belgilandi.
Аna shunday muhim ishlar Mikrokreditbank tizimida ham amalga oshirilayotgan boʼlib, buning samarasi oʼlaroq bankimizda Korrupsiyaga qarshi nazorat departamenti (Komplaens nazorat) tashkil etilgan. Ushbu departamentda 10 dan ortiq xodimlar mehnat qilib, bankimizda korrupsion holatlarning oldini olish borasida bir qator ishlar amalga oshirilmoqda. Jumladan, departament tomonidan bank tizimida korruptsiya haqida xabar berishga moʼljallangan aloqa kanallari, yaʼni rasmiy sahifa: MKBANK.uz ichida korrupsiya boʼyicha murojaat sahifasi ishga tushurildi. Shuningdek, elektron pochta manzili: mkbanticor@mkb.uz, telegram bot: @mkbanticor_bot va ishonch telefoni: 55-503-77-11 tashkil etildi.
Аlbatta, bankimizda Komplaens nazorat demartamentining oldiga ulkan maqsadlar qoʼygani quvonarli, chunki jamiyatda korruptsiyaga nisbatan murosasiz munosabatni qaror toptirish bugungi kunning eng dolzarb masalalaridan biridir.
Shuningdek, tadbirda bank xodimlari orasida korrupsiyaga qarshi kurash bo‘yicha tashkil etilgan tanlov g‘oliblari taqdirlanishdi.
Tadbir yakunida O‘zbekiston Respublikasi Konstitutsiyasining 30 yilligi munosabati tashkil etilgan interaktiv viktorina ham xodimlar uchun kutilmagan shartlari bilan esda qolarli bo‘ldi.
Bank Axborot xizmati
Yana ko‘ring
Xalqaro pul o‘tkazmalari – MKBANK bilan tez, qulay va ishonchli yechim
Dam olish kunlari ham MKBANK xizmatlari ishlaydi
“Mikrokreditbank” ATB Boshqaruv raisining Oʻzbekiston Respublikasi Prezidenti va Hukumat hujjatlari ijrosi toʻgʻrisida axboroti
2026-yilning yanvar-mart oyida 1 336 ta mikroloyiha amalga oshirilishi belgilangan boʻlib, 1-aprel holatiga 3 356 ta mikroloyiha “Online-mahalla.uz” platformasiga kiritildi.
