Konstitutsiya bu har bir davlatning asosiy ramzlaridan bo'lib, uning jahon davlatlari o'rtasida qadr-qimmatini bildiradi. Shuni alohida ta'kidlash lozimki, yurtimizning bosh qomusi - Konstitutsiyamizni o'rganishga hamda o'z huquq va burchlarini bilishga, qonun-qoidalarga rioya qilishga, uning davlatimiz siyosatida muhim o'rin tutishini anglash va o'rganishga har bir fuqaro uchun suv va havodek zarur hisoblanadi.
Bugun MKBANKda Konstitutsiyamizning 31 yilligi hamda 10-dekabr — Oʻzbekiston Respublikasi Davlat madhiyasi qabul qilinganligining 31 yilligiga bag‘ishlangan “Konstitutsiya — xalqchil davlat, barqaror taraqqiyot va farovon hayot asosi!” degan bosh gʻoyani oʻzida mujassam etgan bayram tadbiri bo‘lib o‘tdi.
Tadbir madhiyani kuylash bilan boshlanib, unda bank jamoasi ishtirok etishdi.
Tadbirda so‘zga chiqqan Yuridik departamenti Bank manfaatlarini himoya qilish boshqarmasi boshligʻi Oybek Barakayev Yangi tahrirdagi Konstitutsiyamizning mazmun-mohiyati, uning hayotimizda yuz berayotgan oʼzgarishlar va qoʼlga kiritilayotgan yutuqlarning bosh omili ekanligi haqida o‘z fikrlarini bildirdi.
Shuningdek, tadbirda bank xodimlarining konstitutsiyaga oid bilimlarini sinash maqsadida kichik viktorina ham o‘tkazildi.
Mazkur yutuqli o'yin orqali bank xodimlari o'zlarining konstitutsiyaga oid bilimlarini yana bir karra sinovdan o'tkazishdi va bu tadbir xodimlar uchun kutilmagan shartlari bilan esda qolarli bo‘ldi.
Yakunda Konstitutsiyamizning 31 yilligi munosabati bank xodimlari orasida tashkil etilgan “Eng yaxshi kitobxon 3” tanlovining g‘oliblarini ham taqdirlanishdi.
Bank Axborot xizmati
Yana ko‘ring
Dam olish kunlari ham ishlaymiz!
Korrupsiya haqida xabar ber, adolat uchun kurash!
Jim turish – bu illatga ijozat berishdir.
