Til - davlat timsoli, mulki, ruhi, millatning madaniy va ma'naviy boyligi, urf-odati, tarixidir.
Erta tongdan MKBANKda “Qadring baland bo‘lsin, ona tilim” shiori ostidagi “To‘g‘ri yozamiz” nomli chellenj o‘tkazildi.
Undan so‘ng o‘zbek tiliga davlat tili maqomi berilganligining 35 yilligi munosabati bilan MKBANK bosh ofis xodimlari uchun “Qadring baland bo‘lsin, ona tilim” mavzusida maʼnaviy-maʼrifiy tadbir tashkil etildi.
Mazkur tadbirda Boshqaruv raisi o‘rinbosari Ibrohimjon Mamajonov, Filologiya fanlari doktori, professor va tarjimon Uzoq Jo‘raqulov, Yozuvchilar uyushmasi a’zosi, shoir Fahriddin Hayit ishtirok etishdi.
Tadbirda o‘zbek tilining ahamiyati, har bir inson o‘z ona tilini bilishi, uni kelajak avlodga yetkazishda oiladagi maʼnaviy muhitning ahamiyati to‘g‘risida fikr-mulohazalar bildirildi.
Ayniqsa, shoir Fahriddin Hayitning ona tili haqidagi she’rlari bank xodimlarida katta taassurot qoldirdi.
Shuningdek, tadbir davomida xodimlar o‘rtasida diktantlar tanlovi ham o‘tkazilib, ular innovatsion tarzda mobil telefonlari orqali diktant yozishdi va g‘oliblar mehmonlar tomonidan esdalik sovg‘alar bilan taqdirlanishdi.
Tilni e'zozlash, uning mavqeyini yuksaltirish, yosh avlodni ona tiliga hurmat ruhida tarbiyalash esa har birimizning ma’naviy burchimizdir.
O‘zbek tiliga davlat tili maqomi berilganligining 35 yillik bayrami barchamizga muborak bo‘lsin!
Bank Axborot xizmati
Yana ko‘ring
MKBANKda maʻnaviy-maʻrifiy uchrashuv oʻtkazildi
Mutaxassis va olimlar tomonidan mavzuga oid maʻruzalar qilinib, Prezidentimiz nutqida ilgari surilgan muhim gʻoya va tashabbuslarning mazmun-mohiyati atroflicha yoritib berildi.
Bayram kunlari ham ishlaymiz!
