Erta tongdan Mikrokreditbank xodimlari o‘rtasida chellenj tashkil etilib, unda tilimizga o‘rnashib qolgan ruscha so‘zlarning o‘zbekcha ma'nosini yozib berish so‘raldi.
21- oktabr – yurtimizda O‘zbek tili bayrami kuni sifatida keng nishonlanadi. Bu yil Oʻzbek tiliga davlat tili maqomi berilganiga 34 yil toʻldi. Shu munosabat bilan MKBANK tizimida ham ma’naviy-ma’rifiy tadbir tashkil etildi.
Tadbirga Oʻzbekiston Yozuvchilar uyushmasi aʼzosi, Pedagogika fanlari doktori, professor Qozoqboy Yoʻldoshev hamda shoir, yozuvchi va tarjimon Oʻzbekiston Yozuvchilar uyushmasining aʼzosi Abdunabi Boyqoʻziyevlar taklif etildi.
Tadbirni Boshqaruv raisi o‘rinbosari Ikrom Djumaniyazov ochib berib, tilsiz jamiyat rivojlanmasligi, taraqqiy topmasligini ta'kidlab, barchani bayram bilan qutladi.
- Bank xodimlari ishtirokida O‘zbek tili bayrami munosabati bilan bo‘lib o‘tgan ma’naviy-ma’rifiy davra suhbatida o‘zbek tilining davlat tili sifatida siyosiy-huquqiy, iqtisodiy-ijtimoiy, ma’naviy-ma’rifiy hayotimizda o‘rni, ahamiyati xususida fikr-mulohazalar yuritildi.
Tadbir davomida shoir Abdunabi Boyqoʻziyev vatan haqida yozgan ijod namunalaridan o‘qib berib, ishtirokchilar qalbiga zavq-shavq ulashdi.
Qiziqarli va fikr-mulohazalarga boy ruhda o‘tgan davra suhbati barchada iliq taassurot qoldirdi.
Bank Axborot xizmati
Yana ko‘ring
MKBANKda “Ommaviy diktant” tanlovi tashkil etildi
Bank jamoasi diktant yozishni yoshlik va maktab davrlarini eslatuvchi begʻubor damlarga qiyoslashdi.
Shavkat Mirziyoyev “Quva Agrostar” korxonasi faoliyati bilan tanishdi
Bu haqida davlatimiz rahbariga "Mikrokreditbank" ATB Boshqaruv raisi O.Butayev batafsil ma'lumot berdi.
Pul yuborish va qabul qilish endi yanada oson — MKBANK va PayPorter bilan
PayPorter orqali siz dunyoning 200dan ortiq mamlakatiga tezkor xalqaro pul o‘tkazmalarini amalga oshirishingiz mumkin.
