Joriy yilning 12-22-may kunlari AQSHning Vashington shahrida tashkil etilgan “Eksport nazorati va iqtisodiy sanksiyalar sharoitida komplaens masalalari” kursida bankimizning Ichki nazorat va sanksiyaviy komplaens departamenti boshqarma boshliqlari A.Umarov va B.Alimovlar malaka oshirib qaytishdi.
Mazkur kursning yakunida maxsus sertifikatlar bilan taqdirlangan hamkasblarimiz olgan bilim va tajribalari bilan o‘rtoqlashish maqsadida joriy yilning 3-iyun kuni bank xodimlari uchun o‘quv seminari tashkil etildi.
O‘quv seminarida spikerlar - A.Umarov va B.Alimovlar “Eksport nazorati va iqtisodiy sanksiyalar sharoitida komplaens masalalari, AQSHning OFAC, BIS tashkilotlari roli” mavzusidagi taqdimotlari bilan qatnashishdi va sanksiyalar sharoitida qanday harakat qilish, eksportda nimalarga ahamiyat berish, ikkilamchi sanksiyalarning iqtisodiyotga ta’siri kabi ma’lumotlarga atroflicha to‘xtalib o‘tishdi.
O‘quv seminari qizg‘in savollarga boy bo‘lib, bu kabi tajriba almashishning bank tizimida foydali bo‘lishi ta’kidlab o‘tildi.
Hamkasblarimizga olgan bilim va ko‘nikmalarini amaliyotda qo‘llab, yuksak natijalarga erishishini tilab qolamiz!
Bank Axborot xizmati
Yana ko‘ring
Metro va avtobusda yanada qulay to‘lov!
Infografika: Korrupsiyon holatlar bo‘yicha
Aloqa kanallariga 168 ta murojaatlar kelib tushgan
