“Mikrokreditbank” aksiyadorlik-tijorat banki xizmat ko‘rsatish sifatini oshirish va o‘z mijozlari uchun qo‘shimcha qulayliklar yaratish ustida tinimsiz ish olib bormoqda. Shu maqsadda aholi uchun qulay manzillarda yangi shakldagi bank xizmatlari ofislari faoliyati tashkil etilmoqda. 

Xususan, 2023-yil 15-noyabr kuni “Keles” bank xizmatlari ofisi mijozlarga zamonaviy xizmat ko‘rsatishda o‘z faoliyatini boshladi. 

Ofis zamonaviy texnologiyalar bilan to‘liq jihozlangan, mijozlarga sifatli xizmat ko‘rsatish maqsadida o‘z sohasining malakali mutaxassislari jalb etilgan. “Keles” bank xizmatlari ofisi bir vaqtning o‘zida tadbirkorlik subyektlari va aholiga keng turdagi barcha zamonaviy bank xizmatlarini taklif etadi.

Xususan, mijozlar hisob raqam va plastik kartalar ochishi, valyuta almashtirishi, kredit va omonat rasmiylashtirishi, barcha turdagi to‘lovlarni amalga oshirishi hamda xalqaro pul o‘tkazmalarini qabul qilishi va yuborishi mumkin. 

Bank xizmatlari ofisi 24/7 tarzda faoliyat ko‘rsatuvchi zamonaviy bankomat va infokiosklar bilan ta’minlangan.

Manzil: Toshkent tumani, Alisher Navoiy MFY, Ravnaq ko'chasi

“Mikrokreditbank” ATB “Keles” bank xizmatlari ofisiga marhamat!

Bank Axborot xizmati