Xabaringiz bor, yurtimizda Oʻzbekiston Respublikasi Markaziy banki va tijorat banklari bilan hamkorlikda #GlobalMoneyWeek haftaligi oʻtkazilib kelinmoqda.
Mazkur haftalik doirasida MKBANKning 4 ta mahalla kutubxonasida “Moliyaviy savodxon mahalla” loyihasi doirasida bolalar va oʻsmirlar uchun moliyaviy savodxonlik boʻyicha maxsus darslar tashkil etildi. Unda bankning tajribali mutaxassislari hamda mahallalarda istiqomat qiluvchi aholi vakillari ham faol ishtirok etishdi.
Mahorat darsida moliyaviy savodxonlik asoslari, yaʼni pulni samarali boshqarish, jamgʻarma va investitsiyalarni koʻpaytirish, budjetni rejalashtirish - moliyaviy maqsadlarni qoʻyish va ularga erishish yoʻllari, “Moliyaviy yostiqcha” – favqulodda holatlar uchun oldindan jamgʻargan pul zaxirasini tashkil etish, moliyaviy savodxonlikning ahamiyati kabi yoʻnalishlarda batafsil maʼlumotlar berildi.
Trening davomida foydali bilimlarga ega boʻlgan oʻquvchilar va ota-onalar bank xodimlaridan oʻzlarini qiziqtirgan savollarga javob olishdi.
Shu oʻrinda taʼkidlash kerakki, bu kabi darslar mutlaqo bepul boʻlib, unda barcha qizuquvchilar ishtirok etishi va oʻzlarining moliyaviy savodxonligini oshirishlari mumkin.
Bank Axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
