“Telegram” ijtimoiy tarmogʼidagi “Bankir kundaligi” kanaliga Samarqand viloyati Oqdaryo tumanida istiqomat qiluvchi fuqaro X.N murojaat yoʼllagan.
Unga koʼra, fuqaro “Mikrokreditbank”ning Loish filialiga mikroqarz olmoqchi boʼlib hujjat topshirgani, biroq sobiq bank xodimi S.N tomonidan uning nomiga kredit olingani va ishlatib yuborilgani keltirilgan. Shundan soʼng, fuqaroning arizasiga asosan Oqdaryo tuman sudida ushbu masala koʼrib chiqilib, sobiq bank xodimiga tegishli jazo choralari tayinlangani, biroq fuqaroning 7 mln 200 ming soʼm muddati oʼtgan qarzdorlik mavjud ekanligi hamda kredit tarixi oʼziga bogʼliq boʼlmagan holda salbiy boʼlib qolganligi keltirilgan.
Ushbu murojaat oʼrganilganda, haqiqatdan ham fuqaro X.N va “Mikrokreditbank”АTB Loish filiali oʼrtasida 2020-yil 30-oktabrda 25 000 000 (yigirma besh million) soʼm miqdorida mikroqarz ajratish toʼgʼrisida shartnoma imzolangani, mijoz oʼzi plastik kartochkalarni qayd qilish kitobiga roʼyxatga olinib, oʼzini imzosi bilan bank kartasini olgani hamda mikroqarz ham aynan mijoz bankdan olib ketgan bank kartasiga oʼtkazib berilgani aniqlandi.
Sudda ham sobiq bank xodimi S.N fuqaro X.N ishonchiga kirib, uning pullarini oʼzlashtirgani isbotlangan hamda 20 850 000 (yigirma million sakkiz yuz ellik ming) soʼm mikroqarzni asosiy qismi sudlanuvchi tomonidan toʼlab berilgan Sudda jabrlanuvchiga asosiy qarzdan tashqari hisoblangan foizlari boʼyicha moddiy zararni undirib berish boʼyicha Fuqarolik ishlari boʼyicha sudlarga murojaat qilish huquqiga ega ekanliklari tushuntirib oʼtilgan.
Shu oʼrinda takidlash lozimki, fuqaro X.N murojaati bu ikki fuqaroning oʼzaro yoki huquqni muhofaza qilish organlari yordamida hal etiladigan masalasidir.
Bank xodimlari tomonidan murojaatchi X.N.ga vaziyat tushuntirilgach, 12-oktabr kuni bankdan olingan mikroqarz krediti hisobiga yuzaga kelgan foiz qarzdorligi toʼliq mijoz tomonidan toʼlab, bugungi kunda bank oldidagi majburiyati toʼliq qoplangan.
Bank Аxborot xizmati
Yana ko‘ring
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
“Kitob o‘qish soati”da “Dunyoning ishlari” asari mutolaa qilindi
Asar har bir ishtirokchini o‘z hayoti, yaqinlari va qilayotgan ezgu ishlari haqida yana bir bor mushohada qilishga undadi.
