Diqqat, Bosh ofis va Amaliyot boshqarmasi xodimlari!
Farzandlaringizni O‘zbekiston Respublikasi Mustaqilligining 35 yilligi munosabati bilan tashkil etilayotgan “Mustaqillik va men” nomli rasmlar tanlovida ishtirok etishga chorlaymiz!
Rangli qalam, bo‘yoq yoki flomasterlarni oling va Mustaqillikni o‘z ko‘zingiz bilan qanday tasavvur qilishingizni rasmda aks ettiring.
Tanlovda 6–11 yoshdagi bank xodimlarining farzandlari ishtirok etishi mumkin.
Farzandingiz o‘z tasavvurida Vatan, Mustaqillik, ona yurt, tinchlikni qanday ko‘rishini rasm orqali ifodalasin! Balki uning kichikkina rasmi katta orzularni, Vatanga bo‘lgan mehrni va yorqin kelajak tasavvurini aks ettirar!
Tanlov muddati: 18-25-avgust, 15:00 gacha.
Rasmlarga ism-sharifingiz va yoshingizni yozgan holda quyidagi @Yulduz_2101 manzilga yuboring.
Eng kreativ g‘oya va mazmunli rasmlar Bank rahbariyati tomonidan ajoyib sovg‘alar bilan taqdirlanadi!
Qani, bolajonlar! Rasmlaringiz orqali O‘zbekistonni qanday ko‘rishingizni bizga ko‘rsating!
Farzandingizning ijodiy qobiliyatini namoyon etishiga imkon bering — Mustaqillikni bolalar nigohida ko‘raylik!
Yana ko‘ring
TADBIRKORLAR VA AHOLI BILAN UCHRASHUV O‘TKAZILMOQDA
Buxoroda zamonaviy bog‘dorchilik sari muhim qadam
