Joriy yilning 14-dekabr kuni Mikrokreditbank ATB Namangan viloyati mintaqaviy filiali qoshida Yangiqoʼrgʼon bank xizmatlari markazi ochildi.
Ochilish marosimida “Mikrokreditbank” ATB Namangan viloyati mintaqaviy filiali rahbari Akmal Daminov, “Mikrokreditbank” ATB Muammoli aktivlar bilan ishlash departamenti direktori Abdumajid Safarov hamda tuman faollari ishtirok etishdi ва soʼzga chiqishdi.
Bugun “Mikrokreditbank” tomonidan aholiga tezkor va sifatli xizmat ko‘rsatish borasida tizimli ishlar amalga oshirilayotgani, bundan maqsad — bankning xizmat koʼrsatish darajasini yanada oshirish va mijozlarga qulaylik yaratish orqali mamlakatimiz taraqqiyoti va aholi turmush darajasini yuksaltirish ekanligi ta’kidlanib, bank jamoasiga kelgusi ishlarida ulkan muvaffaqiyatlar tilandi.
Ta’kidlash kerakki, mazkur BXMda mijozlar uchun barcha sharoitlar yaratilgan. Bu yerda malakali bank xodimlari tomonidan yuridik va jismoniy shaxslarga barcha turdagi bank va konsalting xizmatlari koʼrsatiladi. Markaz 24/7 rejimida faoliyat koʼrsatuvchi zamonaviy bankomatlar bilan jihozlangan.
Eslatib o‘tamiz, yangi BXM Yangiqoʼrgʼon tumani “Vodiy” MFY “Ishonch” ko‘chasi 115-uyda joylashgan.
Bank Axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
