Joriy yilning oktabr oyida Navoiy viloyat hududiy boshqarmasi binosida bank xodimlari uchun “Korrupsiyaga qarshi kurash barchamizning burchimiz!” mavzusida seminar tashkil etildi.
Ushbu seminarda Bank rahbariyati, xodimlar hamda viloyat Ichki ishlar boshqarmasi Jinoyat qidiruv boshqarmasining korrupsiyaga qarshi kurashish boʻlimi masʼul xodimi podpolkovnik A. Oʻsarov ishtirok etdi.
Seminar davomida A.Oʻsarov korrupsiya tushunchasi, uning turlari, jamiyat va iqtisodiyotga salbiy taʼsiri hamda unga qarshi kurashish boʻyicha amalga oshirilayotgan ishlar haqida batafsil maʼlumot berdi.
Shuningdek, o‘quv-seminarda korrupsiyaga qarshi qonunchilik asoslari, xodimlarning huquq va majburiyatlari, bu sohada yuzaga kelishi mumkin boʻlgan huquqbuzarliklarning oldini olishga doir tavsiyalar berildi.
Tadbir oxirida xodimlar tomonidan mavzuga doir savol-javoblar yo‘llanib, fikrlar almashinuvi ham tashkil etildi va ishtirokchilarga korrupsiya holatlarining oldini olishda faol ishtirok etish zarurligi taʼkidlandi.
“Mikrokreditbank” ATB korrupsiyaga qarshi murosasiz munosabatda boʻlib, doimiy ravishda barcha xodimlar oʻrtasida qonuniylik, halollik va shaffoflik tamoyillarini qaror toptirishga alohida eʼtibor qaratadi.
Bank Axborot xizmati
Yana ko‘ring
MKBANKda “Ommaviy diktant” tanlovi tashkil etildi
Bank jamoasi diktant yozishni yoshlik va maktab davrlarini eslatuvchi begʻubor damlarga qiyoslashdi.
Shavkat Mirziyoyev “Quva Agrostar” korxonasi faoliyati bilan tanishdi
Bu haqida davlatimiz rahbariga "Mikrokreditbank" ATB Boshqaruv raisi O.Butayev batafsil ma'lumot berdi.
Pul yuborish va qabul qilish endi yanada oson — MKBANK va PayPorter bilan
PayPorter orqali siz dunyoning 200dan ortiq mamlakatiga tezkor xalqaro pul o‘tkazmalarini amalga oshirishingiz mumkin.
