Bugun aholi orasida Oilaviy tadbirkorlikni rivojlantirish dasturlari doirasida qanday holatlarda kredit olish imkoniyati mavjud emasligi haqida turli savollar paydo bo‘lmoqda. Quyida ana shu savolga javob berib o‘tmoqchimiz.
Oʻzbekiston Respublikasi Vazirlar Mahkamasining 2022-yil 8-iyuldagi 373-sonli qarori bilan tasdiqlangan nizomga asosan ushbu toifadagi qarz oluvchilar tomonidan Yagona elektron platforma orqali arizalar yuborilganda, skoring maʼlumotlari asosida avtomatik ravishda rad etiladi:
* 18 yoshga toʻlmagan fuqaro nomidan ariza berilganda;
* Oʻzbekiston Respublikasi fuqarosi boʻlmagan shaxslarga;
* qarz oluvchining bank kreditlari boʻyicha muddati oʻtgan qarzdorligi mavjud boʻlsa (salbiy kredit tarixiga ega boʻlganda);
* qarz oluvchining soliq organlari, majburiy ijro byurosi organlari va boshqa toʻlovlarning qarzdorligi mavjud boʻlganda.
Esda tuting! “Oʻzbekiston Respublikasi davlat fuqarolik xizmati toʻgʻrisida”gi qonunining 13-moddasiga koʻra davlat fuqarolik xizmatchisi tadbirkorlik faoliyati bilan shugʻullanishga haqli emasligi qayd etilgan.
Yana ko‘ring
Romitan tumanida tadbirkorlar bilan ochiq muloqot o‘tkazildi!
Muzrabotda bank xizmatlari yarmarkasi tashkil etildi
Shuningdek, yoshlar va aholi vakillarining savollariga mutaxassislar tomonidan batafsil javob berilib, mavjud imkoniyatlardan foydalanish tartibi yuzasidan zarur tavsiyalar berildi.
