Ijtimoiy tarmoqlarda bank xizmatlari yuzasidan bildirilgan murojaat ko‘rib chiqildi. Avvalo, mijozdan yuzaga kelgan noqulayliklar uchun uzr so‘raymiz. Bank uchun har bir mijozning vaqti va ishonchi muhim.
Ma’lum qilamizki, ayrim operatsiyalarda qo‘shimcha identifikatsiya talablari amaldagi qonunchilik hamda axborot xavfsizligi me’yorlariga muvofiq qo‘llaniladi. Xususan, OneID tizimi orqali shaxsiy ma’lumotlarga kirish bo‘yicha ruxsat mavjud bo‘lmagan holatlarda bank mijozni to‘liq identifikatsiya qila olmaydi va xizmat ko‘rsatish jarayoni sekinlashishi mumkin.
Shuningdek, xalqaro pul o‘tkazmalarini berishda ma’lumotlarning (F.I.Sh.) rasmiy hujjatlarga to‘liq mosligi talab etiladi. Bu mablag‘larni boshqa shaxsga berilishining oldini olish va mijozlar xavfsizligini ta’minlash maqsadida joriy etilgan.
Bank tomonidan mijozlarni ovora qilish maqsadi yo‘q. Barcha jarayonlar qonunchilik va xavfsizlik talablari asosida amalga oshiriladi.
Murojaat egasi aniq ko‘rsatilmaganligi sababli holatni individual tartibda o‘rganish imkoni bo‘lmadi. Aniqlashtirish uchun bankning ishonch telefoni yoki yaqin bank bo‘linmalariga murojaat qilishni so‘raymiz.
Axborot xizmati
Yana ko‘ring
MAVRID TEZDA: xalqaro pul o‘tkazmalarini Mavrid orqali amalga oshiring
O‘z biznesingizni boshlash uchun 30 mln so‘mgacha!
