Mikrokreditbank Qarshi shahar bank xizmatlari ofisi (BXO)da bank agentlari ishtirokida mijozlarga qulay xizmat ko‘rsatish, hudud iqtisodiyotini rivojlantirish va bank mahsulotlarini samarali targ‘ib qilish masalalari muhokama qilindi.
Seminar davomida ishtirokchilarga PQ-312-sonli qaror mazmuni tushuntirildi. Ushbu hujjat tadbirkorlikni rivojlantirish va kichik biznesni qo‘llab-quvvatlashga xizmat qilishi bilan ahamiyatlidir.
Shuningdek, ayollar tadbirkorligini qo‘llab-quvvatlashga qaratilgan “Hamroh” kredit liniyasining imkoniyatlari ham muhokama markazida bo‘ldi. Agentlarga imtiyozli kreditlar orqali ayollarning biznes faoliyatini kengaytirish mexanizmlari haqida batafsil ma’lumot berildi.
Yig‘ilishda chakana kreditlar, ularning yangi turlari va mijozlarga taqdim etish tartibi, shuningdek, Visa va UzCard plastik kartalarining afzalliklari va ularni samarali sotish strategiyalari haqida so‘z yuritildi. Visa kartasining xalqaro, UzCard’ning ichki bozordagi ahamiyati alohida ta’kidlandi.
Bundan tashqari, kredit mablag‘lari evaziga yangi ish o‘rinlari yaratish, agentlarning aholiga bank mahsulotlarini yetkazishdagi o‘rni, ularni o‘qitish va rag‘batlantirish masalalari ko‘rib chiqildi.
Bank axborot xizmati.
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
