Quyonchilik serdaromad tarmoqlardan biri. Chunki quyonchilikda kam mablagʻ sarflab, koʻplab parhez goʻsht, sifatli moʻynali teri, mayin tivit kabi mahsulotlarni yetishtirish mumkin.
E’tiborlisi esa xonadonlarda quyon boqish uncha katta xarajat talab qilmaydi. Shu bois mamlakatimizda quyonchilik bilan shugʻullanayotganlar soni yildan yilga koʻpayib bormoqda. Quyonchilik fermalari, katta-katta klaster va komplekslar tashkil etilmoqda.
Jumladan, “Mikrokreditbank” ATB respublikamizda quyonchilikni rivojlantirishga mas’ul etib belgilanganiga ham bir necha yil boʻldi va aytish joizki, oʻtgan vaqt mobaynida ushbu yoʻnalishda sezilarli ishlar amalga oshirildi.
Natijada respublikamiz hududlarida 391 ta quyonchilikka ixtisoslashtirilgan xoʻjaliklar tashkil qilinib, ushbu xoʻjaliklarni va jismoniy shaxslarning quyonchilik bilan shugʻullanishi borasidagi faoliyatini qoʻllab-quvvatlash uchun bank tomonidan jami 5 515 ta (shundan 431 ta yuridik shaxslarga va 5 084 ta jismoniy shaxslarga) mijozlarga 503,0 mlrd. soʻm miqdorda kreditlar ajratilib, 8 798 ta ish oʻrni yaratildi.
Shundan, 2022-yilda ajratilgan kreditlarning 32,6 mlrd. soʻmi yuridik shaxs maqomiga ega 13 ta quyonchilik xoʻjaliklariga, qolgan 10,7 mlrd. soʻmi 424 ta jismoniy shaxslarga oʻz xonadonida quyonchilikni rivojlantirish maqsadi uchun yoʻnaltirildi. Buning natijasida joriy yilning oʻtgan davrida 10 ta yangi quyonchilik xoʻjaliklari tashkil etildi.
Misol uchun, yirik quyonchilik fermalaridan Toshkent shahridagi “The best Italian Rabbits” MCHJga quyon chiqindi qayta ishlab chiqarish va boshqa binolar qurilishi uchun 18,7 mlrd. soʻm, Qoraqalpogʻiston Respublikasidagi “Taxtakoʻpir Xon Quyonlari” MCHJga quyonchilik fermasini tashkil etishi uchun 6,1 mlrd. soʻm, Fargʻona viloyatidagi “Roshidonlik Umidaxon Fayzi” F/Xga Quyonchilik kompleksini qurish uchun 5,0 mlrd. soʻm miqdorida kreditlar ajratilgan.
Amalga oshirilgan ishlar natijasida respublika boʻyicha barcha toifada parvarishlanayotgan quyonlar bosh soni 2022-yil boshiga 1 630 mingtani tashkil etgan boʻlsa, bugungi kunga kelib 2 152 ming boshga yetkazildi.
Bundan tashqari, quyonchilik sohasini ilmiy asosda rivojlantirish maqsadida Qoraqalpogʻiston Respublikasi, Namangan, Samarqand, Qashqadaryo, Fargʻona va Xorazm viloyatlarida ilmiy-amaliy seminar oʻtkazish markazlari tashkil etilib, ushbu sohaga qiziqish bildirgan tadbirkorlar va xonadon egalarini bosqichma-bosqich oʻqitish yoʻlga qoʻyilgan.
Bank Axborot xizmati
Yana ko‘ring
MKBANK — Silk Road Finance & Technology Forum 2026’da!
MKBANK vakillari xalqaro ekspertlar va texnologik kompaniyalar bilan tajriba almashib, moliyaviy xizmatlarni yanada rivojlantirish va mijozlar uchun qulay raqamli yechimlarni joriy etish bo‘yicha yangi imkoniyatlarni o‘rgandi.
MKB Premium Plus — biznes uchun qulayliklar bir paketda
