Kitob — insonning eng yaqin do‘sti va maslahatchisi, aql qayrog‘i va bilim manbaidir. Shuning uchunmi kitobga muhabbat, uni qadrlash, o‘qishga ishtiyoq xalqimizning qon-qoniga singib ketgan.
Joriy yilning 1-may kuni Bank xodimlari o‘rtasida “Kitob o‘qish soati” loyihasi doirasida ma’rifiy tadbir o‘tkazildi.
Mazkur tadbir Oʻzbekiston Respublikasi Prezidentining 2026-yil 15-yanvardagi PQ-9-sonli “Kitobxonlik madaniyatini rivojlantirish va aholi o‘rtasida kitob oʻqishga qiziqishni oshirish chora-tadbirlari toʻg'risida”gi Qarori ijrosini ta’minlash hamda bank xodimlarining kitobga bo‘lgan e’tiborini oshirish maqsadida tashkil etildi.
Bu safar “Kitob o‘qish soati” “Men sevgan kitob” tanlovi asosida tashkil etildi. Unda bank xodimlari o‘zlarining sevimli kitoblaridan parcha o‘qib berish bilan birga, nega aynan bu asarni tanlaganiga qisqa izoh ham berib o‘tishdi.
Tanlovda xodimlar hamkasblari tomonidan tavsiya etilgan turli kitoblar bilan tanishishdi va mulohazaga chorlovchi parchalarni tinglashdi hamda o‘qimagan kitoblarini o‘qishni maqsad qilishdi.
1 soatdan ortiq vaqt davom etgan ushbu tadbirda xodimlar o‘zaro fikrlashish bilan birga bu kabi ma’naviy-ma’rifiy soatlarni muntazam tashkil etish kerakligini ta’kidlаshdi.
Tadbir yakunida “Eng ilhomlantiruvchi parcha”ni o‘qib bergan xodimlar esdalik sovg‘alari bilan taqdirlanishdi.
Ta’kidlash kerakki, tadbirning asosiy maqsadi – bankda kitob o‘qish madaniyatini keng targ‘ib qilish, yoshlar orasida adabiyotga bo‘lgan qiziqishni oshirish, shuningdek, o‘zbek va jahon adabiyotining durdona asarlarini yana bir bor yodga olishdan iborat edi.
MKBANK ma’naviyat va ma’rifat sari intilish yo‘lida bunday loyihalarni muntazam davom ettiradi.
Bank Axborot xizmati
Yana ko‘ring
Bayram kunlarida ham to‘lovlar nazorat ostida
Qurbon Hayiti munosabati bilan dam olish kunlari ham MKBANK ishlaydi
