Soʻnggi kunlarda internet tarmoqlarida “Mikrokreditbank”da erkak xodimlardan 1 milliard soʻm undirilgani haqidagi xabarlar tarqaldi.
Haqiqatdan ham, 2025-yil 14-avgustda qabul qilingan farmoyishda tilga olingan moliyaviy operatsiya — Markaziy bankning tegishli qarori va rasmiy xatlariga asoslangan holda amalga oshirilgan xizmat yoʻnalishidagi bank ichki hisob-kitobi jarayonidir.
Bu hujjat — bank ichki moliyaviy boshqaruv tizimi doirasida rasmiylashtirilgan va u jismoniy shaxslarning jinsi yoki shaxsiy xususiyatlari bilan bogʻliq emas.
Yaʼni “faqat erkak xodimlardan mablagʻ undirilgan” degan maʼlumot haqiqatga toʻgʻri kelmaydi.
Ushbu hujjat ijrosi boʻyicha ham Xodimlarni boshqarish (HR) departamenti taqdim etgan roʻyxat va amaldagi qonun hujjatlari asosida aybdor xodimlardan undirish choralari koʻrilgan.
Bankda xodimlarga nisbatan har qanday moliyaviy yoki maʼmuriy qarorlar faqat qonun va mehnat shartnomalari asosida amalga oshiriladi.
Bank Axborot xizmati
Yana ko‘ring
UPT orqali pul o‘tkazmalarini qabul qilish yanada soddalashdi
MKBANKning "Bank of China"da to‘g‘ridan-to‘g‘ri korrespondentlik hisobvarag‘i ochildi
