18-noyabr – O‘zbekiston Respublikasi Davlat bayrog‘i qabul qilingan kun munosabati bilan Bosh ofis xodimlari uchun “Bir Vatan, bir el, bir bayroq” shiori ostida madaniy-ma’rifiy tadbir tashkil etildi.
Tadbirni Boshqaruv raisi o‘rinbosari I.Djumaniyazov ochib, O‘zbekiston Respublikasi Davlat bayrog‘i qabul qilinganligining 34 yilligi bilan barcha xodimlarni qutladi. Davlatimiz bayrog‘i milliy g‘ururimiz, yurtimiz suverenitetining muqaddas ramzi ekanligini, bu sana xalqimizning ozodlik yo‘lidagi sobitqadamligi, mustaqillik yo‘lidagi qat’iy irodasi va kelajak sari yorqin ishonchining timsoli bo‘lganini ta’kidladi.
Davlat bayrog‘imiz – bu oddiy bir mato emas. U xalqimizning ruhi, yurtimizning shonu-shuhrati, milliy g‘ururimizning abadiy ramzidir! Bugun bayrog‘imiz nafaqat yurtimiz osmonida, balki dunyoning eng nufuzli minbarlarida, xalqaro maydon va musobaqalarda, diplomatik sahnalarda yuksak ehtirom bilan hilpirab kelmoqda.
Bayrog‘imiz doimo baland hilpirab, xalqimiz birligi, tinchligi va farovonligini namoyon etib turaversin!
Bayram muborak bo‘lsin!
Bank Axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
