Kuni kecha “Mikrokreditbank” ATB Navoiy viloyati hududiy boshqarmasida “Toʻgʻri yoʻlni tanla - biz korrupsiyaga qarshimiz!” shiori ostidagi navbatdagi oʻquv-seminari tashkil etildi.
Unda “Mikrokreditbank” Boshqaruvi Korrupsiyaga qarshi nazorat departamenti shoʻba mudiri F.Himmatov, Navoiy viloyati Ichki ishlar boshqarmasi Korrupsiyaga qarshi kurashish boshqarmasi xodimi O.Quljanov, Navoiy shahar prokuraturasi katta tergovchisi A.Xoliqov, Navoiy shahar “Oʻzbekiston” mahalla fuqarolar yigʻini profilaktika inspektori Sh.Oʻroqovlar ishtirok etib, mamlakatimizda korrupsiyaning salbiy oqibatlari va unga qarshi kurashish yuzasidan olib borilayotgan chora-tadbirlar yuzasidan fikr-mulohazalarini bildirdilar.
Seminar davomida korrupsiya oʻta xavfli jinoyat sifatida insonning hayoti, sogʻligi, mulkiga hamda jamiyatga katta xavf tugʻdiruvchi illat ekanligi taʼkidlandi. Shuningdek, ishtirokchilarga Oʻzbekiston Respublikasi Markaziy bankining korrupsiyaga qarshi kurashishga oid ichki meʼyoriy hujjatlari mazmun-mohiyati tushuntirildi.
Tadbirda korrupsiyaga qarshi kurashish sohasida olib borilayotgan islohotlar, shuningdek, jamiyatda korrupsiyaga qarshi murosasiz munosabatni shakllantirishga yoʻnaltirilgan tizimli ishlar xususida ham atroflicha soʻz yuritildi.
Bank Axborot xizmati
Yana ko‘ring
Romitan tumanida tadbirkorlar bilan ochiq muloqot o‘tkazildi!
Muzrabotda bank xizmatlari yarmarkasi tashkil etildi
Shuningdek, yoshlar va aholi vakillarining savollariga mutaxassislar tomonidan batafsil javob berilib, mavjud imkoniyatlardan foydalanish tartibi yuzasidan zarur tavsiyalar berildi.
