Farg‘ona viloyatidagi “Mikrokreditbank” mijozi Zarifjon Axmedov “Bankir kundaligi” telegram kanaliga yo‘llagan murojaatida 260 mln. so‘m miqdorida uy-joy qurish uchun ipoteka krediti olganligini, lekin kreditning yakuniy qismi ajratilishi va kreditning asosiy qarzini so‘ndira olmayotganligi bo‘yicha e’tiroz bildirgan.
Ushbu murojaat yuzasidan bank xodimlari o‘rganish ishlarini olib borishdi.
Aniqlandiki, 2022-yil fevral oyida “Mikrokreditbank” ATB Farg‘ona mintaqaviy filiali Amaliyot bo‘limiga Zarifjon Axmedov uy-joy qurilish uchun ipoteka krediti so‘rab muroojat qilgan va murojaat yuzasidan fuqaroga №3030-sonli kredit shartnomasiga asosan 260 mln. so‘m kredit ajratilishi belgilangan.
Mazkur shartnomaga asosan 2022-yil noyabr oyida 52 mln. so‘m, 2023-yil yanvar oyida 78 mln. so‘m, 2023-yil iyul oyida 100 mln. so‘m hamda kreditning yakuniy qismi 2023-yil 13-dekabr kuni 30 mln. so‘m kredit mablag‘lari to‘liq ajratib berilgan.
Shu bilan birga, fuqaro Axmedov Zarifjon Abdujalilovich tomonidan olingan kreditning asosiy qarzdorligi bo‘yicha 2023-yil 6-sentabr kuni 3 196 00 so‘m, 2023-yil 5-oktabr kuni 1 606 000 so‘m hamda 2023-yil 11-noyabr kuni 547 000 so‘m to‘lovlar amalga oshirilgan.
Filial xodimlari tomonidan mijozga mazkur ipoteka kreditining asosiy qarzini so‘ndirish va kreditning qolgan qismini ajratish bo‘yicha kelib chiqqan e’tirozi yuzasidan tushuntirish berilgach, mijoz tomonidan e’tiroz yo‘qligi bildirildi.
Bank Axborot xizmati
Yana ko‘ring
MKBANK: murojaat — e’tiborda, yechim — amalda!
Biznes boshlash uchun imkoniyatlar bir joyda!
