Mikrokreditbank aksiyadorlik tijorat banki va Turkiyaning 1-litzenziyalashgan UPT xalqaro pul o‘tkazmalari tizimi o‘rtasida hamkorlik shartnomasi imzolandi. Yaqin kunlarda MKBANK orqali UPT pul o’tkazmalarini (dollar va yevroda) amalga oshirishingiz mumkin.

Hujjatni Mikrokreditbank Boshqaruv raisi o‘rinbosari Ikrom Djumaniyazov hamda UPT xalqaro pul o‘tkazmlari bosh direktori – Murod Kashtan imzoladi. 

Ushbu xizmatning joriy etilishi bankning mamlakatda moliyaviy infrastrukturani rivojlantirish, banklarning mijoz uchun ishlashini tashkillashtirish doirasida amalga oshirgan ishlarining yorqin tasdig‘idir.

Ma’lumot uchun: UPT Turkiya va qo‘shni davlatlarga pul o‘tkazmalari uchun eng past komissiyaga ega bo‘lib, u butun dunyo bo‘ylab naqd pul, bank hisobi, bank kartasi va hamyon o‘tkazmalarini adolatli narxlarda valyuta kursi bilan ta’minlaydi.

UPT Turkiyaning birinchi va yetakchi global pul o‘tkazmalari platformasidir. UPT 2010-yilda tashkil etilgan va shu vaqtdan beri Turkiyada mahalliy hamda xalqaro miqyosda eng mashhur pul o‘tkazmasi tizimiga aylandi.