VISA kompaniyasi tomonidan MKBANK ishonchli hamkor sifatida e'tirof etildi

21-sentabr kuni bo'lib o'tgan Visa Central Asia Payment Forum anjumanida raqamli to‘lovlar va davlat boshqaruvi sohasidagi 300 dan ortiq yetakchi ekspertlar, shuningdek Qozog‘iston, O‘zbekiston, Qirg‘iziston va Tojikiston moliya-bank sektori vakillari ishtirok etdilar. 

Unda MKBANK Visa kompaniyasining ishonchli hamkorlaridan ekanligi e'tirof etilib, maxsus statuetka bilan taqdirlandi.

Forum davomida Visa kompaniyasining yetakchi xalqaro ekspertlari forum ishtirokchilari bilan Markaziy Osiyo bo‘ylab raqamli to‘lovlarni rivojlantirish, biznesni transformatsiya qilish hamda savdo miqyosi va pul harakatlanishining jadal o‘sib borishiga yordam beradigan jihatlarni muhokama qildilar.

Ta'kidlash kerakki, Markaziy Osiyoda 30 yildan ortiq faoliyat yuritayotgan Visa raqamli toʼlovlar kompaniyasi Toshkentda oʼz ofisini ochganini ham ma'lum qildi. 

Ma'lumot uchun: MKBANK 2008-yildan buyon Visa to'lov tizimi bilan xamkorlikda ishlab kelmoqda.

Bank Axborot xizmati