“Mikrokreditbank” ATB va “Abu Dhabi Uzbek Investment” (ADUI) MCHJ qo‘shma korxonasi o'rtasidagi kelishuvga asosan, O'zbekistonda kichik va o'rta biznesni rivojlantirish maqsadida 11 million AQSh dollari miqdorida mablag jalb qilindi.
So'nggi yillarda “Mikrokreditbank” tomonidan yurtimizdagi kichik va o‘rta biznes vakillarining 100 ming AQSh dollarigacha bo'lgan loyihalarini moliyalashtirishga alohida e'tibor qaratilmoqda. Bunda bank hujjatlarni yig'ish va qayta ishlash jaryaonlarini yanada soddalashtirish, shuningdek, tadbirkorlarni moliyalashtirish bo'yicha qarorlar qabul qilish yondashuvini qayta ko'rib chiqdi. Natijada tadbirkorlarga kredit ajratish jarayonlari muddati besh kungacha qisqardi.
Ma’lumot uchun, “Abu Dhabi Uzbek Investment” MChJ QK O‘zbekiston Respublikasi Prezidentining 2019-yil 20-maydagi UP-5722-son qaroriga asosan Abu-Dabi Taraqqiyot jamg‘armasi (75 foiz ulush) va O'zbekiston Tiklanish va taraqqiyot jamg'armasi (25 foiz ulush) ishtirokida tashkil etilgan.
Ushbu qo‘shma korxonaning maqsadli kapitali 1 milliard dollarni tashkil etadi. So‘nggi 4 yilda kompaniya O‘zbekiston Respublikasi iqtisodiyotining turli tarmoqlariga qariyb 180 million AQSh dollar miqdorida sarmoya kiritdi.
E’tiborlisi, “Abu Dhabi Uzbek Investment” MChJ kichik va o'rta biznesni moliyalashtirish dasturini 2020-yilda ishga tushirgan bo‘lib, unga asosan umumiy qiymati 50 million AQSH dollari miqdorida mablag‘lar ajratildi. Mazkur mablag‘lar hisobidan bugungi kunga qadar dastur doirasida mamlakatimizning yetakchi hamkor banklari ishtirokida iqtisodiyotning qishloq xo‘jaligi, to‘qimachilik, savdo, qurilish, turizm va boshqa tarmoqlarida 1000 dan ortiq tadbirkorlik subyektlarining loyihalari moliyalashtirildi.
Yaqinda “Mikrokreditbank” ATBga ajratilgan 11 mln. AQSH dollarilik mablag‘ ham yurtimizdagi kichik va o‘rta biznes vakillarining loyihalarini moliyaviy qo‘llab-quvvatlashga yo‘naltiriladi.
Bank Axborot xizmati
Yana ko‘ring
Pul yuborish va qabul qilish endi yanada oson
Izboskan tumanidagi holat bo'yicha rasmiy munosabat
