Bank of China bankida korrespondentlik hisobi ochganiga ko‘p bo‘lmagan “Mikrokreditbank” ATB yana bir Xitoy moliya instituti bilan hamkorlikni yo‘lga qo‘ydi.
Mazkur strategiya doirasida MKBANK Xinjiang Bank da yana bir korrespondentlik hisobini Xitoy yuani (CNY)da ochdi.
Bu, albatta, mijozlar uchun yuan orqali hisob-kitoblar jarayonini kengaytiradi va xalqaro biznes uchun yangi imkoniyatlarni ochadi:
Hisob-kitoblar geografiyasining kengayishi — nafaqat Xitoydagi hamkorlar, balki xalqaro savdoda yuan faol qo‘llaniladigan boshqa davlatlardagi kompaniyalar bilan ham to‘lovlarni amalga oshirish imkoniyati.
Tranzaksiyalar tezligining oshishi — Xitoy banklari bilan to‘g‘ridan-to‘g‘ri hamkorlik tufayli to‘lovlar yanada tez amalga oshiriladi.
Samarali valyuta operatsiyalari — oraliq konvertatsiyasiz to‘g‘ridan-to‘g‘ri CNYda ishlash orqali xarajatlarni kamaytirish.
Tashqi iqtisodiy faoliyatni qo‘llab-quvvatlash — biznesni rivojlantirish, savdo aloqalarini mustahkamlash va Osiyo bozorlariga chiqish uchun qo‘shimcha vositalar.
Xinjiang Bank da hisob ochilishi Mikrokreditbank uchun Xitoydagi hamkorlik tarmog‘ini kengaytirishning mantiqiy davom bo‘ldi va mijozlarga yanada qulay va samarali xalqaro hisob-kitob infratuzilmasini yaratish yo‘lida muhim qadam hisoblanadi.
Mikrokreditbank — xalqaro hamkorlik va zamonaviy moliya Sizning muvaffaqiyatingizga xizmat qilsin!
Bank Axborot xizmati
Yana ko‘ring
Bayram kunlari ham ishlaymiz!
SWIFT o‘tkazmalarida maxsus tarif: qo‘shimcha to‘lovlar bekor qilindi
