MKBANK xodimlarining malakasini oshirish bo'yicha joriy yilning 24-may kuni Toshkent shahridagi "Grand Mir Hotel" mehmonxonasida seminar-trening bo'lib o'tdi.
Ushbu seminar-treningda 98 nafar yuridik lavozimda faoliyat yuritadigan bank xodimlari ishtirok etishdi. Mazkur tadbirni "Mikrokreditbank" ATB Yuridik departamenti direktori M.Pulatova ochib berdi.
Seminar-treningda spikerlar maqsadsiz sarflangan kreditlar bo'yicha jinoyat ishi qo'zg'atishda ariza berish tartibi, o'ziga xos xususiyatlari haqida sud hujjatlarini ijro etish bilan bog'liq masalalar, garov balansini qabul qilishda qonunchilikdagi o'zgarishlar kabi qator mavzularda ma’ruza qilishdi. Xodimlarga huquqiy tushunchalar berildi Huquqiy savol-javoblar bilan bir qatorda tashkilotda nizoli vaziyatlarni boshqarishning psixologik asoslari ham tushuntirib o'tildi.
Shuningdek, tadbirda so'zga chiqqan spikerlar - Toshkent shahar Mirobod tuman prokuraturasi katta tergovchisi Quvonchbek Siddiqov, Fuqarolik ishlari bo'yicha Zangiota tumanlararo sudining sudyasi Oybek Barakayev, 3-darajali sud boshqaruvchisi Odiljon Ahmadjonov, O'zbekiston Respublikasi bosh prokuraturasi huzuridagi Majburiy ijro byurosi fuqarolik ishlari bo'yicha sudlar hujjatlarini ijro etish bo'limi katta inspektori Rustamjon Razzoqov, Mehnat qonunchiligi bo'yicha yetakchi ekspert mutaxasis Gulnar Sarimsaqova hamda Falsafa fanlar doktori, psixolog, siyosatshunos "Mehnat shuhrati" ordeni sohibasi Jamila Shermuhammedovalar xodimlar o'rtasida yuzaga kelishi mumkin bo'lgan nizoli vaziyatlarni bartaraf etish, o'zaro konfliktlarning oldini olish kabi mavzularda so'z yuritishdi.
Bir so'z bilan aytganda, seminar juda qizg‘in mavzularga boy bo'ldi. Xodimlar o'zlarini qiziqtirgan barcha savollariga javob olishdi. Ta'kidlash kerakki, bunday tadbirlar o'tkazilishidan asosiy maqsad, xodimlar malakasini oshirish va muammoli vaziyatlarning oldini olishdir.
Bank Axborot xizmati
Boshqa yangiliklar
MKBANKda yutuqli aksiya!
