Joriy yilning 1-avgust kuni ijtimoiy tarmoqlardagi “KOMPOR UZ” sahifasida “Mikrokreditbank” ATB Bogʻot tumanidagi Bog‘ot BXM faoliyati boʻyicha tanqidiy murojaat e’lon qilindi.
Murojaatda mijozlarga xizmat ko‘rsatishda yuzaga kelayotgan qator muammolar, jumladan, aholi bankka murojaat qilsa, joyida tegishli masʼul shaxslarni topish qiyinligi, koʻpincha “ertaga keling”, “boshliq yoʻq” kabi bahonalar bilan odamlarning ovora qilinayotgani va ayrim xodimlar ish vaqtida o‘z shaxsiy bizneslari bilan bandligi tanqid qilingan.
Mazkur murojaat shu kunning o‘zida mas’ullar tomonidan o‘rganildi.
Bogʻot bank xizmatlari markazi hozirgi kunda 2 180 ta tadbirkorlik subyekti va 18 577 nafar jismoniy shaxsga muntazam, sifatli bank xizmatlarini koʻrsatib kelmoqda. Bu vaqtgacha mijozlar tomonidan xizmatlar sifatining pastligi yoki xodimlar faoliyati yuzasidan jiddiy eʼtirozlar qayd etilmagan.
Markazda 28 nafar xodim oʻz mehnat faoliyatini belgilangan ichki tartib asosida bajarmoqda. Xodimlarning kunlik ishga kelishi qatʼiy tartibda nazorat qilinmoqda.
Murojaatda keltirilganidek, ish vaqtida shaxsiy tadbirkorlik bilan shugʻullanadigan bank xodimlari mavjud emas. Bundan tashqari, bunday holatlarning oldini olish maqsadida tegishli boʻlimlar tomonidan doimiy monitoring va ichki nazorat tizimi joriy etilgan.
Shu oʻrinda ommaviy axborot vositalari va blogerlardan yolgʻon va asossiz maʼlumotlar tarqatmaslikni, rasmiy manbalar orqali tasdiqlangan maʼlumotlardan foydalanishni soʻraymiz.
Mijozlarimizga eslatma. Bank xizmatlaridan foydalanish uchun bugun bankimizga tegishli mahallalarda “Mahalla bankiri” va mahalla agenti faoliyati yoʻlga qoʻyilgan boʻlib, siz barcha murojaatlaringizni oʻzingiz istiqomat qiladigan mahalladagi mahalla bankiriga yoʻllashingiz mumkin. Bu sizning vaqtingizni ham tejaydi, ortiqcha ovoragarchiliklarning ham oldi olinadi.
Mikrokreditbank fuqarolar murojaatlariga ochiq, jamoatchilik nazoratini qoʻllab-quvvatlaydi va har bir asosli murojaatga oʻz vaqtida javob qaytaradi.
Bank Axborot xizmati
Yana ko‘ring
Bank fuqarolardan kredit mablag‘lari yechib olish masalasini qonunchilikda belgilangan tartibda o‘rganmoqda
Shu o‘rinda ta’kidlash lozimki, bank tomonidan kredit mablag‘lari amaldagi tartib va tegishli hujjatlar asosida ajratilgan.
Texnik muammolarga onlayn yechim!
MKBANKda bank tizimi islohotlari va yangi rivojlanish bosqichi mavzusida matbuot anjumani tashkil etildi
Bugun bank tomonidan ikkilamchi bozordan uy-joy sotib olish uchun 21,55 foizdan boshlab ipoteka kreditlari ajratilishi yoʻlga qoʻyildi.
