“Mikrokreditbank” ATB tomonidan mamlakat iqtisodiy hayotida xotin-qizlar faolligini oshirish, ayollar tadbirkorligini qoʻllab-quvvatlash, rivojlantirish uchun bankda yaratilgan sharoitlar haqida ma'lumotlar berish maqsadida hududlarda ochiq muloqotlar tashkil etilmoqda. Ana shunday uchrashuvlardan biri Xorazm viloyati Bogʻot tumani hokimligi binosida boʻlib oʻtdi. Unda “Mikrokreditbank” ATB Boshqaruv raisi o‘rinbosari Shaxlo Ibragimova, Bogʻot tumani hokimi oʻrinbosarlari va tegishli masʼullar ishtirok etishdi.
Taʼkidlash lozimki, bank tomonidan respublika boʻyicha 2021-2024-yillarda 194 mingdan ortiq xotin-qizlar tadbirkorligiga birgina Oilaviy tadbirkorlikni rivojlantirish dasturlari doirasida imtiyozli shartlarda 3,5 trln soʻmga yaqin kreditlar ajratildi. Shundan Xorazm viloyati boʻyicha 12 300dan ziyod xotin-qizlar tadbirkorligi uchun 261 mlrd soʻmdan ortiq imtiyozli shartlarda bank kreditlari yoʻnaltirildi.
2024-yilning 21-oktabr holatiga 110 mingdan ortiq aholi va tadbirkorlik subyektlariga imtiyozli shartlarda jami 1 848 mlrd. soʻm kreditlar ajratilishi natijasida 110 463 nafar aholi bandligi taʼminlandi.
Eʼtiborlisi, ushbu kreditlarning 941 mlrd. soʻmi qariyib 63 mingga yaqin xotin-qizlarning loyihalariga yoʻnaltirilgan.
Xotin-qizlar tadbirkorligini qoʻllab-quvvatlash, ularning bandligi va ayollarni qoʻshimcha daromad manbai bilan taʼminlash bo‘yicha olib borilayotgan tadbirlar oʻz natijasini bermoqda. Bogʻot tumanida oʻtkazilgan ochiq muloqot davomida ham tadbirkorlik qilish istagida boʻlgan xotin-qizlar uchun bank imtiyozli kreditlari, biznesga jalb qilish va tadbirkorlikni rivojlantirishni qoʻllab-quvvatlovchi maxsus loyihalar-fabrikasi.uz elektron axborot tizimi haqida maʼlumotlar taqdim etildi.
Shu bilan birga ularning murojaat va muammolari oʻrganildi.
Bank Axborot xizmati
Yana ko‘ring
MKBANKning "Bank of China"da to‘g‘ridan-to‘g‘ri korrespondentlik hisobvarag‘i ochildi
MKBANKda raqamlashtirish bo‘yicha yana bir muhim yangilik!
