Eng yaxshi tadbirkorlik loyihalari

Valyuta	Sotib olish	Sotish	O‘zb MB
USD	12050	12150	12130.01
EUR	13700	14400	14245.48
GBP	15500	16500	16239.66
JPY	70	100	78.28
CHF	14700	15700	15234.88

O‘zbek Milliy akademik drama teatrida “Sog‘lom bola yili” Davlat dasturi doirasida tadbirkor ayollar o‘rtasida o‘tkazilgan “2014-yilning eng yaxshi loyihasi” tanlovi g‘oliblarini taqdirlashga bag‘ishlangan tadbir bo‘lib o‘tdi.

O‘zbekiston Respublikasi Markaziy banki, O‘zbekiston Xotin-qizlar qo‘mitasi hamkorligida tashkil etilgan mazkur tadbirga xotin-qizlar qo‘mitalari, bank-moliya tashkilotlari mutasaddilari, fuqarolar yig‘inlarining diniy ma’rifat va ma’naviy-axloqiy tarbiya masalalari bo‘yicha maslahatchilari, tadbirkor ayollar taklif etildi.

O‘zbekiston Savdo-sanoat palatasi raisi A.Shayxov, Markaziy bank departementi direktori A.Qosimov, Toshkent shahar hokimining o‘rinbosari, shahar xotin-qizlar qo‘mitasi raisi F.Abdurahimova va boshqalar Prezidentimiz Islom Karimov rahnamoligida xotin-qizlar manfaatlarini himoyalash, ularning iqtisodiy-huquqiy bilimini yuksaltirish, oilalar farovonligini oshirish borasida amalga oshirilayotgan keng ko‘lamli islohotlar yuksak natijalar berayotganini ta’kidladi.

Mamlakatimizda bank-moliya muassasalari va jamoat tashkilotlari hamkorligida xotin-qizlar tadbirkorligini rivojlantirish, kollejlarni tamomlagan qizlarni ishga joylashtirish, o‘z xususiy ishini boshlash istagidagi bitiruvchilarga ko‘mak berish, oilaviy tadbirkorlikni rivojlantirishga oid qator loyihalar muvaffaqiyatli amalga oshirilmoqda. Ushbu loyihalar ayollarning og‘irini yengil qilish, ular uchun munosib mehnat va turmush sharoitlari yaratish imkonini bermoqda.

“Sog‘lom bola yili” Davlat dasturi doirasida o‘tkazilgan “2014-yilning eng yaxshi loyihasi” tanloviga tadbirkor ayollardan taqdim etilgan ijtimoiy ahamiyatga molik 15 biznes loyiha saralab olindi.

Tanlov g‘oliblaridan biri – Go‘zaloy Jo‘rayeva Shahrixon tumanidagi «Superbekajon» xususiy korxonasida mehnat qiladi. U taqdim etgan landshaft dizayniga oid loyiha qishloq ko‘chalarini obod qilish, atrofni mahalliy iqlim sharoitiga mos gullar, o‘simlik va maysalar, manzarali daraxtlar bilan bezashni ko‘zlasa, sirdaryolik Himoyat Eralieva issiqxonada sarxil sabzavotlar yetishtirish va «Sog‘lom ayol markazi» faoliyatini yo‘lga qo‘yishni, xorazmlik Nilufar Iskandarova esa sut mahsulotlarini qayta ishlovchi kichik korxona ochishni rejalashtirgan.

– Prezidentimiz rahnamoligida ayollarga ko‘rsatilayotgan e’tibor va g‘amxo‘rlikni har jabhada yaqqol his etmoqdamiz, – deydi qoraqalpog‘istonlik tadbirkor Dilfuza Jiyenbekova. – Mening biznes loyiham Nukus shahrida mehmonxona xo‘jaligini rivojlantirish, sayyohlarga servis xizmatini takomillashtirishni ko‘zlaydi. Uning hayotga joriy etilishi natijasida o‘nlab kollej bitiruvchilari ish bilan ta’minlanadi.

«2014-yilning eng yaxshi loyihasi» tanlovi g‘oliblariga bank mablag‘larini kafolatlovchi sertifikatlar va esdalik sovg‘alari topshirildi. Tadbirda O‘zbekiston Respublikasi Bosh vazirining o‘rinbosari, Respublika Xotin-qizlar qo‘mitasi raisi E.Bositxonova so‘zga chiqdi.

Manba: O‘zbekiston Milliy axborot agentligi (O‘zA)

Soʻrov