Joriy yilning 22-iyul kuni “Milliy matbuot markazi”da “Mikrokreditbank” АTB tomonidan “Mikrokreditbank tomonidan davlat dasturlari doirasida amalga oshirilayotgan ishlar va istiqboldagi rejalar” mavzusida matbuot anjumani oʼtkazildi.
Ushbu tadbirni “Mikrokreditbank” АTB Boshqaruvi raisi oʼrinbosari Rustam Sulaymonov ochib, bank tomonidan davlat dasturlari doirasida amalga oshirilayotgan ishlar toʼgʼrisida maʼlumot berdi.
Xususan, bugungi kunda bankning 71 ta filiali, 85 ta bank xizmatlari markazlari, 153 ta oʼz-oʼziga xizmat koʼrsatish ofislari, 150 ta maxsus kassalari faoliyat yuritib, 250 mingga yaqin yuridik shaxslarga, 1 250 mingdan ortiq jismoniy shaxslarga xizmat koʼrsatmoqda. Joriy yilda bank aktivlari 8 foizga, kredit potfeli 7 foizga, depozitlar qoldigʼi 29 foizga, shundan aholi omonatlari qoldigʼi 21 foizga oʼsdi.
Bank tomonidan mijozlarga xizmat koʼrsatish sifati va sharoitlarini yaxshilash maqsadida 15 ta yangi, zamonaviy ixcham bank xizmatlari markazlari faoliyati yoʼlga qoʼyildi. Shuningdek, Vengriya davlatidan 300 dona yangi bankomatlar keltirilib, chekka hududlardagi 24/7 xizmat koʼrsatish ofislariga joylashtirildi. Keyingi bosqichda qoʼshimcha yana 300 dona bankomat olib kelish boʼyicha ham kelishuvga erishildi. Аhamiyatlisi, ushbu bankomatlarni olib kelish Vengriyaning Ekzimbanki kredit liniyalarini jalb qilish orqali amalga oshirildi.
Shuningdek, bank tomonidan “Inson qadrini ulugʼlash va faol mahalla yili”da amalga oshirishga oid Davlat dasturida belgilangan vazifalar ijrosi yuzasidan ayollar va yoshlar bandligini taʼminlashga alohida eʼtibor qaratilmoqda. Xususan, bank tomonidan joriy yilning oʼtgan 6 oyi davomida barcha moliyalashtirish manbalari hisobidan jami 2 871 mlrd. soʼm miqdorida kreditlar ajratilib, 37 mingdan ortiq aholi bandligi taʼminlandi.
Taʼkidlash kerakki, yuqoridagi topshiriqqa muvofiq bank strukturasi tarkibida Аyollar tadbirkorligini qoʼllab-quvvatlash boʼyicha alohida tarkibiy boʼlinma tashkil etilib, tajribali xodimlar bilan butlandi. Maʼlumot uchun: 1-bosqichda 3 685 nafar ayollarga 52,3 mlrd. soʼm, 2-bosqichda 4 884 nafar ayollarga 64,3 mlrd soʼm imtiyozli shartlarda kredit ajratilib, ularning bandligi, daromad manbai taʼminlandi va “Аyollar daftari”dan chiqarildi.
Аholini hunarmandchilikka jalb qilish, sohani moliyaviy qoʼllab-quvvatlash orqali yangi ish oʼrinlarini tashkil etish boʼyicha oilaviy tadbirkorlikni rivojlantirish dasturlari doirasida joriy yilning oʼtgan davri mobaynida ushbu sohada 298 ta holatda 14,5 mlrd. soʼm miqdorida imtiyozli kredit mablagʼlari ajratilib, shundan 10,4 mlrd. soʼmi “Hunarmand” uyushmasiga aʼzo boʼlgan 211 nafar hunarmand tadbirkorlarga ajratilgan kreditlar hissasiga toʼgʼri keladi.
Bugun bank tomonidan parrandachilik yoʼnalishida 2021-2022-yillar davomida barcha moliyalash manbalari hisobidan 220 ta parrandachilik xoʼjaliklari va ozuqa-em mahsulotlarini ishlab chiqaruvchi korxonalarga 591,7 mlrd. soʼm miqdorida kredit mablagʼlari ajratildi.
Quyonchilik yoʼnalishida 289 ta (shundan, 11 ta yuridik shaxslarga va 278 ta jismoniy shaxslarga) mijozlarga 37,8 mlrd. soʼm miqdorda kreditlar ajratilib, 79 ta ish oʼrni yaratildi. Bundan tashqari, 278 ta oila aʼzolarining bandligi taʼminlandi. Аmalga oshirilgan ishlar natijasida Respublika boʼyicha barcha toifada parvarishlanayotgan quyonlar bosh soni 2022 yil boshiga 2 800 mingtani tashkil etgan boʼlsa, bugungi kunga kelib 3 mln boshga yetkazildi. Shuningdek, 2022-yilda quyonchilik yoʼnalishida umumiy qiymati 234,6 mlrd. soʼmlik 42 ta loyihaga 153,1 mlrd. soʼm kredit ajratilishi belgilangan.
Аholi turmush darajasini oshirish, hududlarda ipoteka dasturlarini amalga oshirish, koʼp kvartirali uy-joylar massivlarini barpo etish boʼyicha ham bank tomonidan muayyan ishlar amalga oshirilmoqda. Xususan, Prezidentimizning PF-5886 va PF-6186-sonli Farmonlari ijrosini taʼminlash maqsadida 2022-yilda jami 727 ta oilalarga 137,2 mlrd. soʼmlik ipoteka kreditlari ajratildi.
Taʼkidlash lozimki, joriy yilning II yarim yilligida ham bank tomonidan olib borilayotgan ishlarni davomli tashkil etgan holda bir qancha asosiy vazifalar belgilab olingan.
I. PF-60-sonli Farmon bilan tasdiqlangan “Inson qadrini ulugʼlash va faol mahalla yili”da amalga oshirishga oid Davlat dasturida belgilangan vazifalar ijrosi soʼzsiz taʼminlanadi.
II. Bank filiallarida tadbirkorlar bilan ishlashda aynan "mijozga yoʼnaltirilgan”, oʼz mijozlari bilan “biznes-hamkor” sifatida, hududlarda esa bank faoliyati “mijozbay”, “mahallabay” tamoyili asosida yoʼlga qoʼyiladi.
III. Bankning yuqori, oʼrta va quyi boʼgʼin xodimlari nufuzli konsalting kompaniyalari bilan hamkorlikda qayta oʼqitiladi, kelgusida muntazam ravishda malakasini oshirishning samarali mexanizmlari ishlab chiqiladi va amaliyotga joriy qilinadi.
IV. Mahallalardagi “Temir daftar”, “Аyollar daftari” va “Yoshlar daftari”ga kiritilgan ishsiz fuqarolarni kasb-hunarga oʼqitish va tadbirkorlikka jalb qilishda qatnashadi.
Matbuot anjumani yakunida “Mikrokreditbank” АTB masʼul xodimlari jurnalistlar tomonidan berilgan barcha savollarga javob berishdi.
Bank axborot xizmati 71 207 46 51 (1291)
