Sirdaryo viloyati Boyovut tumanida o‘tkazilgan sayyor qabul doirasida aholining ijtimoiy muhofazaga muhtoj qatlami vakillarining muammolari o‘rganildi.
Tuman hokimi hamda sektor rahbarlari ishtirokida Mikrokreditbank va tumandagi yirik tadbirkorlarning "Saxovat va ko‘mak” hayriya mablag‘lari hisobidan "Temir daftar" hamda "Аyollar daftari"dagi 42 ta oilaga sog‘in sigir topshirildi.
Qayd etib o‘tish lozimki, Mikrokreditbank АTB tomonidan qizil toifaga kiritilgan mahallalarda aholi uchun infrastrukturani hamda kam taʼminlangan, o‘ta muhtoj oilalarni turmush sharoitini yaxshilash maqsadida jami 200 mln so‘m homiylik ishlari amalga oshirildi. Jumladan, tumandagi 28 ta mahalla fuqarolar yig‘inida yashovchi 10 nafar ijtimoiy himoyaga muhtoj, 21 nafar “Аyollar daftari”ga kiritilganlar va 11 nafar “Temir daftar”da ro‘yxatda turuvchi fuqarolarga bir boshdan ona-bola sog‘in sigirlar berildi.
Shuningdek, tadbirga tashrif buyurgan ijtimoiy muammosi bor aholi bilan ham suhbat o‘tkazildi. Bir qator muammolar esa joyiga chiqib o‘rganildi.
Yana ko‘ring
Rahbar va yoshlar uchrashuvi: tibbiyot muassasasida
Korporativ bank kartalari: tezkorlik, shaffoflik va qulay boshqaruv
