Joriy yilning avgust oyida “Kenja Botir” telegram kanalida “Mikrokreditbank” АTBning Uzun tumani filialidagi bankomatlar ishlamayotgani yuzasidan murojaat e’lon qilingan.

Unga ko‘ra, fuqaro bankning Surxondaryo viloyati, Uzun tumani filialiga 6 oy oldin plastik kartasidan naqd pul yechib olish uchun borgani, biroq bankomatda pul yoʼqligi, shundan soʼng bir oylar oldin yana borgani, bu safar ham bankomat ishlamayotgani, ikki kun oldin borganida esa bankomat ishlamayotgani haqidagi e’lon yozib qoʼyilganidan shikoyat qilgan.

Ushbu murojaat bo‘yicha o‘rganish ishlari olib borilganda quyidagilar aniqlandi.

Haqiqatan ham, 8-iyul kuni “Mikrokreditbank” АTB Uzun filialiga tegishli ushbu Uzkard bankomatining plata va karetka ehtiyot qismlari kuyganligi sababli texnik nosoz holatga kelgan. Shuning uchun, bank mijozlari hamda fuqarolarni ogohlantirish maqsadida bankomatning texnik nosozligi yuzasidan eʼlon yozib qoʼyilgan.

Hozirgi kunda ushbu nosoz Uzkard bankomatining ehtiyot qismi yo‘qligi sababli vaqtincha faoliyati toʼxtatilganligini maʼlum qilamiz.

Bank Axborot xizmati